बाँके जेठ ३ गते ।
नेपालगन्ज मेडिकल कलेज शिक्षण अस्पताल कोहलपुरमा बाँकेका एकजना कोरोना संक्रमित पुरुषको सानो आन्द्राको सफल शल्यक्रिया गरिएको छ । खजुरा गाउँपालिका ३ का ६० वर्षीय पुरुषको सफल शल्यक्रिया गरिएको अस्पतालका सहनिर्देशक डा नितेशकुमार कनोडियाले जानकारी दिनुभयो ।
गएको २० गते कोभिड पुष्टि भएपछि उनी खजुरास्थित आइसोलेसन सेन्टरमा भर्ना भएका थिए । अचानक पेटको अत्यधिक दुखाई र वान्ता हुने समस्या देखिएपछि ३० गते शिक्षण अस्पताल कोहलपुर रिफर गरिएको थियो । ‘अस्पतालमा तत्काल आवश्यक चेकजाँच गर्दा उनको सानो आन्द्रा बटारिएर कुहिएको देखियो सहनिर्देशक डा कनोडियाले भन्नुभयो–‘बटारिएर कुहिएको भाग काटेर फालियो र आन्द्रा जोडियो ।’
जेष्ठ एक गते बेलुका उनको शल्यक्रिया गरिएको थियो । ‘शल्यक्रिया क्रियाका लागि करिव अढाई घण्टा लाग्यो’– उहाँले भन्नुभयो । बेलुका साढे ५ बजेदेखि ८ बजेसम्म शल्यक्रिया गरिएको थियो ।
डा कनोडियाका अनुसार, शिक्षण अस्पतालका उप–प्रार्चाय तथा वरिष्ठ सर्जन डा अनुप शर्माको नेतृत्वमा सर्जन डा दिग्विजय विक्रम खड्का, डा रनिश श्रेष्ठ, नर्सहरु दुर्गा पन्त, पुतला विष्ट, पार्वती शाही र सरसफाईकर्मी रमेश बाल्मिकीको टोलीले शल्यक्रिया गरेको हो ।
Discussion about this post