बाँके जेठ ३० गते ।
युवा संघ नेपाल लुम्बिनी प्रदेश अध्यक्ष किशोर थापाले फुटको संघारमा रहेको नेकपा (एमाले) एकताको लागी अपिल गरेका छन् । नेकपा एमाले विभाजन भए नेपालको कम्युनिष्ट आन्दोलनको उपलब्धि नै गुम्ने खतरा रहेको भन्दै कम्युनिष्ट आन्दोलनको उपलब्धी रक्षार्थ र जनताको आशा र भरोसालाई जिबन्त राख्न एमाले एकताको अर्को विकल्प नरहेको थापाले बताएका छन् ।
युवा संघ नेपाल लुम्बिनी प्रदेशका अध्यक्ष किशोर थापाले आइतबार एक एकताको लागी अपिल गर्दै पार्टी विभाजन रोक्न नेताहरुले संयमतता, गम्भीरता र लचकताका साथ समाधान खोज्नुहुन र सबै कार्यकर्ताले एकताको लागी पहल र दवाव सृजना गरि पार्टी एकता जोगाउन युवा संघ नेपाल लुम्बिनी प्रदेश अनुरोध गरेका छन् ।
एकता अपिलमा अगाडी भनिएको छ,- श्रमजीवी बर्गलाई राजनैतिक, आर्थिक, सामाजिक र संस्कृतिक अधिकार सम्पन्न बनाउदै नयाँ जनवादी राज्यसत्ता स्थापना गर्नको निम्ति पार्टी स्थापना काल देखि नै निरन्तर संघर्ष गर्दै संघर्षले नै मजबुत बनेर यहाँ सम्म आएको नेकपा एमाले अहिले फुटको संघारमा रहेको छ ।
नेकपा एमाले फुटाउन र कम्युनिष्ट आन्दोलनलाई सक्न देशभित्रै र देश बाहिरका शक्तिहरु लागिपरेका छन् भने नेपाली जनताले सुदृढ र एकतावद्द नेकपा (एमाले) को आशा गरेका छन् ।
यस्तो अवस्थामा कदमकदाचित एमाले विभाजन भए नेपालको कम्युनिष्ट आन्दोलनको उपलब्धि नै गुम्ने खतरा रहेको छ ।
कम्युनिष्ट आन्दोलनको उपलब्धी रक्षार्थ र जनताको आशा र भरोसालाई जिबन्त राख्न एमाले एकताको अर्को विकल्प नरहेको परिस्थितिमा पार्टिका एकता जोगाउनु पर्ने अभिभारा युवा संघ नेपालको समेत हो । तसर्थ, पार्टिको एकता मजबुत पार्न र पार्टिलाई फुट्नबाट जोगाउनका लागि पार्टीका सबै नेता, कार्यकर्ता, समर्थक, शुभचिन्तकहरू गोलवन्द भएर एमालेको एकतालाई सुदृढ पार्न पहल गर्नुपर्ने महसुस भएको छ ।
साथै पार्टी विभाजन रोक्न नेताहरुले संयमतता, गम्भीरता र लचकताका साथ समाधान खोज्नुहुन र सबै कार्यकर्ताले एकताको लागी पहल र दवाव सृजना गरि पार्टी एकता जोगाउन युवा संघ नेपाल लुम्बिनी प्रदेश अनुरोध गर्दछ थापाले भन्नुभएको छ ।
Discussion about this post