बाँके भदौ १९ गते ।
नेपाल कम्युनिष्ट पार्टी एकीकृत समाजबादीले बाँकेमा जिल्लाका विभिन्न गाउँ तथा टोलमा भेला आयोजना गर्न थालेको छ ।
नेकपा एमालेबाट अलग बनेको एकीकृत समाजबादीले शनिबार बाँके खजुराको एल गाउँमा टोल भेला सम्पन्न गरेको छ ।
भेलामा प्रमुख अतिथी रहेका नेकपा एकीकृत समाजबादीका केन्द्रिय सदस्य तथा पुर्व राज्यमन्त्री दल बहादुर सुनारले केपि ओलीको प्रवृत्तिको कारण पार्टी फुटेको जिकिर गरेका थिए ।
भेलाको अध्यक्षता गरेका कर्ण बहादुर खत्रीले नेपालमा विभिन्न समयमा भए गरेका कम्युनिष्ट आन्दोलनका उपलब्धिहरु एकीकृत समाजबादीले नै रक्षा गर्ने बताएका थिए ।
भेलामा एकीकृत समाजबादीका नेता लाल बहादुर खत्री , भद्र प्रसाद देबाकोटा, ऋषि कुमार पोखरेल, कृष्ण राना लगायतका नेताहरुको उपस्थिति रहेको थियो भने खजुरा गाउँपालिका वडा नम्बर १ का जनप्रतिनिधी देउ प्रसाद बुढा, राम बहादुर शाही तथा जिल्ला सदस्य अर्जुन्न उप्रेती लगाएतको सहभागीता रहेको थियो ।
Discussion about this post