बाँके कार्तिक १७ गते ।
चाड पर्व नजिकिँदै गर्दा भारतसँगको खुल्ला सीमा नाकाबाट तस्करी बढेको छ । करिव ६५ किलोमिटर खुलला सीमानाका छ ।
नेपालगन्जको जमुनाह नाका यसक्षेत्रकै मुख्य नाका हो । यो नाकासँगै अन्य नाकाहरुबाट दैनिकरुपमा चोरी तस्करी भइरहेको छ ।
तर सीमा सुरक्षा र चोरी तस्करी नियन्त्रणको जिम्मा पाएको प्रहरीले पनि निगरानी बढाउँदै लगेको छ । जति चोरी तस्करी बढ्दै गएको छ त्यतिमात्रामा बाँके प्रहरीले पक्राउ गर्नेक्रमलाई पनि तीब्रता दिएको छ ।
भारतबाट अवैध रुपमा ल्याइएको सामान नेपालमा बढी मुल्यमा बिक्रीवितरण हुने भएकाले यहाँका व्यापारीहरुले भरिया बनाएर सामान ओसारपसार गराउने गरेका छन्। तिनै भरियाले भित्र्याउँने गरेको सामान प्रहरीलाई देख्ने वित्तिकै छाडेर फरार हुँदा प्रहरीले बरामद गर्ने गर्छ ।
त्यही तस्करीको सामान प्रहरीले धमाधम समातेर भन्सार बुझाउने काम गरिरहेको छ । यसैक्रममा भारतबाट नेपाल ल्याउने क्रममा अवैध भन्सार छलीको काचो सुर्ती प्रहरीले बरामद गरेको छ ।
मंगलबार राती करिब साढे आठ बजेको समयमा इलाका प्रहरी कार्यालय जमुनाह इन्चार्ज मीनबहादुर बिष्टको कमान्डमा खटिएको टोलिले नेपालगञ्ज उपमहानगरपालिका १५ पिप्रहवाबाट १६ बोरि काचो सुर्ती बरामद गरिएको बाँकेका एसपी श्यामप्रसाद अधिकारीले जानकारी दिनुभयो ।
उहाँका अनसार यो सूर्तिको मूल्य साढे ४ लाख बराबर रहेको छ ।
पछिल्लो समय जमुनाह प्रहरीले भारतबाट भन्सार छलेर ल्याइदै गरेका हाड्वेर, लत्ताकपडा,भाडावर्तन, पटका, समेत बरामद गर्दै आएको छ ।
तस्करी बढेपछि एसपी अधिकारीले नाकामा खटिएका मातहतका निकायलाई कडा निर्देशन दिनु भएको छ । उहाँले सिमापारीबाट हुने अबैध तस्करी रोक्न कुनैपनि कसर बाँकि नराख्न निर्देशन दिनु भएको छ ।
Discussion about this post