बाँके मंसिर २४ गते ।
नेपालगन्जस्थित कृषि ज्ञान केन्द्रमा सिफारिस लिने किसानहरुको भीड बढेपछि प्रहरीले आज आफै कुपन वितरण गरेको छ ।
खाद्य व्यवस्था तथा व्यापार कम्पनी लिमिटेड नेपालगन्जमा धान बिक्रीका लागि केन्द्रबाट सिफारिस अनिवार्य गरिएपछि आज विहानै कृषि ज्ञान केन्द्रमा सयौं किसानहरु पुगेका थिए ।
कम्पनीले पर्सि आइतवारदेखि धान खरिदको तयारी गरेको छ । किसानहरु ज्ञान केन्द्रको गेट तोडेर कार्यालयभित्र पसेर लफडा गरेपछि प्रहरीले नै कुपन वितरण सुरु गरेर भिड व्यवस्थापन गरेको छ ।
प्रहरीले बाँडेको त्यही कुपनका आधारमा केन्द्रले सिफारिस दिने केन्द्रका प्रमुख सागर ढकालले जानकारी दिनुभयो ।
यो बर्ष वास्तविक किसानको मात्रै धान खरिद गर्ने भनेर कम्पनीले किसान पहिचानका लागि केन्द्रको सिफारिस अनिवार्य गरेको कम्पनीका प्रमुख रामबहादुर बिष्टले बताउनुभयो । बाँकेमा पर्सि आइतबारबाट धान खरिद गर्ने तयारी गरेको छ ।
Discussion about this post