बाँके पुस ८ गते ।
नेपाली कांग्रेसका तत्कालिन सभापति स्वर्गिय सुशिल कोइरालापछि पार्टीको केन्द्रिय राजनीतिसँग बाँके जिल्ला पुनः जोडिएको छ ।
कांग्रेसको १४ औं महाधिवेशनबाट बाँकेका कांग्रेस नेता मैकुलाल बाल्मिकी केन्द्रिय सदस्यमा निर्वाचित भएसँगै बाँके केन्द्रीय राजनीतिमा जोडिएको हो ।
पार्टी सभापति किरण कोइराला, लुम्बिनी प्रदेशका मन्त्री सुरेन्द्र हमाल, दलित नेता कृष्ण विके रसाइली पराजित हुँदा बाल्मिकी भने शेरबहादुर देउवाको प्यानलबाट दलित (खुला) तर्फ केन्द्रिय सदस्यमा निर्वाचित हुनुभएको छ ।
पार्टीको केन्द्रिय सदस्यमा निर्वाचित भएपछि अब बाँकेलाई केन्द्रसँग जोड्ने आफ्नो पहिलो प्राथमिकता हुने नेता बाल्मिकीले बताउनुभयो ।
आफुले बाँके जिल्लामा विभिन्न खालका पार्टी प्रशिक्षण कार्यक्रम सञ्चालन गर्ने केन्द्रिय सदस्य बाल्मिकीको भनाइ छ । चुनावसम्म गुट र प्यानल भएपनि अब पार्टीभित्र गुट उपगुट नभएको बाल्मिकीले बताउनुभयो ।
नेपालगन्ज निवासी बाल्मिकी २०७० सालमा संविधान सभा सदस्य हुनुभएको थियो ।
Discussion about this post