बाँके पुस ८ गते ।
बाँकेमा स्थानीय सरकारले डोर टु डोर पशु कार्यक्रम सुरु गरेपछि किसानहरु खुसिले दङ्ग भएका छ्न । फोन गरेको १५ मिनेटमै पशु प्राबिधिक किसानको घरमै पुगेर परामर्श संगै पशुचौपायाको निशुल्क उपचार गर्न थालेपछि किसान खुसीले दङ्ग परेका हुन ।
किसानलाई लक्षित गरेर स्थानीय सरकारले सुरु गरेका डोर टु डोर पशु कार्यक्रम प्रभावकारी बन्दै गएको हो । घरघरमै पुगेर पशु प्राविधिकहरुले परामर्शसँगै पशुचौपायाँको निःशूल्क उपचार गरिदिने भएपछि पशुपालक किसानहरु लाभान्वित भएका छन् ।
प्राविधिकहरुलाई फोन गर्ना साथ घरमै आउने र सेवा दिने गरेको कम्दीका पशुपालक किसान अब्दुल अत्तर खाँले बताउनुभयो । डुडुवा गाउँपालिकाले पशु पालक किसानलाई एनिमल कार्ड दिएको छ ।
त्यसमा प्राविधिक र गाउँपालिकाका अध्यक्षको फोन नम्वर उल्लेख गरिएको छ । त्यसैमा किसानहरुले फोन गरेर समस्या राख्ने र सेवाबारे जानकारी लिने गरेका छन् । किसानले फोन गरेको १५ मिनेटमै प्राविधिकहरु घरमै पुग्छन् ।
डोर टु डोर कार्यक्रमकै लागि पालिकाले ं५० लाख औषधि खरिद गरेर वितरण गरेको प्रशासकिय अधिकृत पर्शुराम उपाध्यायले जानकारी दिनुभयो ।
पालिकाले आफ्नै स्रोतमा पशु प्राविधिक करारमा नियुक्त गरेर निशुल्क परामर्शसँगै पशुचौपायाको औषधिउपचार गरिदिन थालेपछि किसानहरु पशुपालनलाई व्यवसायीक बनाउन थालेका छन् ।
भेटेरिनरी अस्पताल तथा पशु सेवा विज्ञ केन्द्रका अनुसार बाँकेमा २ लाख २० हजारभन्दा बढी गाईगोरु छन भने २ लाख ४३ हजार ५ सय ३९ राँगाभैंसी छन् । करिव पाँच लाखको हाराहारीमा खसीबाख्रा छन् ।
Discussion about this post