बाँके पुस १५ गते ।
नेपालगन्जको जमुनाह नाकाबाट लागु औषधसहित एकजना पक्राउ परेका छन् । पक्राउ पर्नेमा जुम्ला गोठिचौर गाउँपालिका–५ बस्ने १९ वर्षीय दिनेश नेपाली रहेको प्रहरीले जनाएको छ ।
भारतबाट नेपाल प्रवेश गर्दै गरेका नेपालीलाई शंकास्पद लागेपछि जमुनाह प्रहरीको टोलीले चेकजाँच गरेको थियो ।
त्यसक्रममा उनको साथबाट ५१ ट्याब्लेट नाइट्रोभेट, ४० ट्याब्लेट ट्रामाडोल र १० ट्याब्लेट एनटि टेन बरामद भएको छ । नेपालीलाई जिल्ला प्रहरी कार्यालयको हिरासतमा राखेर थप अनुसन्धान भइरहेको प्रहरीले जनाएको छ ।
ADVERTISEMENT
Discussion about this post