खोजखबर संवाददाता
बाँके असार ११ गते । स्थानीय सरकारले सघं र प्रदेश सरकारसंग समन्वय र सहकार्य गरे मात्र देश समृद्ध हुुने एक कार्यक्रमको सहभागीले बताएका छन । सुचना र मानव अधिकार अनुसन्धान केन्द्रद्धारा आयोजित साझा सभा कार्यक्रमको प्रमुख अतिथि कृषि, बन, तथा वातावरण संसदीय समितिका सभापति विजय बहादुर यादवले संघ, प्रदेश तथा स्थानीय सरकारको समन्वय र सहकार्य भए मात्रै देशको विकास हुुने बताउनुभयो । साथै उहाँले विकास गर्नको लागि पार्टी भन्दा माथि उठेर कार्य गर्नु पनि आग्रह गर्नुभयो ।
सो साझा सभा कार्यक्रममा सुचना र मानव अधिकार अनुसन्धान केन्द्रका कार्यक्रम ब्यवस्थापक रविन्द्र कुमार ज्ञवालीले समुदाय स्तरबाट उठाइएका सवालहरु प्रष्ट पारेका थिए । सो कार्यक्रमको सभापति राष्ट्रिय मानव अधिकार आयोगका प्रमुख चन्द्रकान्त चाँपागाईले सरकारको नीति कार्यान्वय गराउनमा सबै मिलि ध्यानाकर्षण गर्नु पर्ने बताउनुभयो । त्ययैगरि डुडुवा गाउँपालिकाका उपाध्यक्ष शाहिदा बानोले स्थानीय नागरिकहरुको गुनासोलाई गाउँपालिकासंग पुरउयाउने बाचा गरिन् । डुडुवा गाउँपालिका वडा नं.५ का वडा अध्यक्ष पर्शुराम बुढाथोकीले स्थानीय स्तरमा स्थानीय सभाले महत्व भुमिका खेलेका बताए । उपभोक्ता हकहित संरक्षण समिति, बाँकेका संयोजक बशन्त गौतमले उपभोक्ता हकहित संरक्षण नीति बनाउनु पर्नेमा जोड दिनुभयो ।
सुचना र मानव अधिकार अनुसन्धान केन्द्रद्धारा आयोजित साझा सभा कार्यक्रममा बाँके जिल्लामा क्रियाशिल बिभिन्न नागरिक समाज प्रमुख, सन्चाककर्मी, कानुन ब्यवसायी तथा जनप्रतिनिधिले अहिलेको बदलिदो परिस्थितिमा नागरिक समाज सकृय भएर सरकारसंग सहकार्य र समन्वय गरि अगाडि बढ्नु पर्नेमा जोड दिएका छन् । सो साझा सभाका सहभाीहरुले प्रश्न गरेका थिए । कार्यक्रमको सहजीकरण आईएचआरसीका कार्यकारी निर्देशक राकेश मिश्रले गर्नुभएको थियो ।
Discussion about this post