बाँके माघ ६ गते ।
बाँके प्रशासनले कोरोना भाइरस नियन्त्रण र रोकथामका लागि जारी गरिएको आदेश कार्यान्वयनमा कडाइ गरेको छ ।
ओमिक्रोन भाइरसको संक्रमण बढ्दै गएपछि सरकारले जारी गरेको मापदण्ड पालना गर्न गराउन स्थानीय प्रशासनले अनुगमन सुरु गरेको छ ।
बाँकेका निमित्त प्रमुख जिल्ला अधिकारी टोपेन्द्र केसी नेतृत्वको टोलीले सेवाग्राहीको भिडभाड बढी हुने कार्यालयहरुको अनुगमन गरेको छ ।
टोलीले यातायात कार्यालय, मालपोत कार्यालय, नापी कार्यालयमा अनुगमन गर्दै ती कार्यालयमा आउने सेवाग्राही र कर्मचारीहरुले मापदण्ड पालना गरे नगरेको बारे जानकारी लिने काम गरेको केसीले बताउनुभयो ।
उहाँले खासगरी मास्कको प्रयोग, सामाजिक दुरीको पालनालगायतका सवालमा उनीहरुलाई सचेत पार्ने काम गरिएको बताउनुभयो ।
प्रशासकिय अधिकृत रामकुमार सोनकार, वडा प्रहरी कार्यालयका इन्चार्ज डिल्लीबहादुर खड्कासहितको टोलीले मास्क समेत वितरण गरेको थियो ।
Discussion about this post