बाँके माघ १३ गते ।
भारतबाट हुने प्रतिबन्धि लागु औषध आयातको क्रम रोकिएको छैन् । प्रहरीले चेकजाँचलाई कडाइ गरेपनि प्रतिबन्धित लागु औषध कारोवारी तथा प्रयोगकर्ताहरुले आयात गरिरहेका हुन् ।
प्रहरीलाई छलेर नेपाल भित्र्याउने गरेको भएपनि प्रहरीले पनि त्यस्ता कारोवारी र प्रयोगकर्तालाई पक्राउ गर्दै आएको छ । यसैक्रममा नेपालगञ्ज जयसपुर स्थितबाट एकजना ठूलो परिमाणमा लागू औषध ब्राउन सुगरसहित पक्राउ परेका छन ।
भारतबाट नेपाल आउने क्रममा सिमा प्रहरी चौकीका इन्चार्ज राजकुमार सिंह र लागू औषध नियन्त्रण ब्युरोको संयुक्त टोलीले ब्राउन सुगरसहित एकजनालाई पक्राउ गरेको हो ।
पक्राउ पर्नेमा नेपालगञ्ज उपमहानगरपालिका-१६ जयसपुर बस्ने २४ वर्षीय अस्फाक अन्सारी रहेको बाँकेका एसपी श्याम कृष्ण अधिकारीले जानकारी दिनुभयो । उहाँका अनुसार उनीबाट १९ ग्राम लागू औषध ब्राउन सुगर बरामद भएको हो ।
अन्सारीले कालो प्लाष्टिकमा बेरि राखेर ल्याएको अवस्थामा उक्त लागु औषध बरामद भएको एसपी अधिकारीले बताउनुभयो ।
पक्राउ परेका अन्सारीलाई आवश्यक अनुसन्धानका लागि जिल्ला प्रहरी कार्यालय बाँके पठाउने तयारी भैरहेको पनि प्रहरीले जनाएको छ ।
Discussion about this post