बाँके फागुन १७ गते ।
आज शिवरात्रि हरेक वर्ष फागुन कृष्ण चतुर्दशी मध्यरातमा परेका दिन मनाइने शिवरात्रि पर्व भगवान शिवको पूजा–आराधना गरी आज देशभर मनाइँदैछ । पशुपति क्षेत्रमा साधुसन्त एवम् भक्तजनहरुको भिड लागेको छ ।
नेपालगन्जको बागेश्वरी मन्दिरमा गएरातिदेखि नै दर्शनार्थी एवम् भक्तजनको भिड छ । बागेश्वरीमा शिवरात्रिमा भारतबाट समेत साधुसन्त र तीर्थयात्री आउने गरेका छन् ।
बागेश्वरीमा गाँजा, भाङ, धतुरोलगायत लागुपदार्थ निषेध गरिएको छ ।
यस वर्ष पनि त्यसलाई निरन्तरता दिइएको छ । यस्ता पदार्थ सेवन, बेचबिखन गरेको पाइएमा प्रहरीले पक्राउ कारबाही गर्ने बाँकेका डिएसपी मधुसूदन न्यौपानेले बताउनुभयो ।
ADVERTISEMENT
Discussion about this post