बाँकेैं बैशाख ६ गते ।
नेपालगन्ज उपमहानगरपालिका–१६ जयसपुरमा निर्माण भैरहेको आईसिपी योजनामा निर्माण कम्पनी र भारतीय पक्षको चरम लापरवाही देखिएको छ ।
यहाँका कामदारका अनुसार कम्पनीले काम पनि ढिलो गरेको छ पैसा पनि ढिलो गरेको छ ।अहिलेपनि निरन्तर काम हुन सकेको छैन । निर्माण गर्नुपर्ने समयावधी ३÷४ महिना छ । तर काम शुन्यको प्रगतीमा देखिएको छ ।
भारतीय पक्षको धेरै बेवास्ताका कारण नेपालगन्जमा एकीकृत जाँच चौकी (आईसिपी) निर्माण कार्य बर्षौदेखि अधुरो देखिएको छ ।समयमा निर्माण नहुँदा यहाँका भौतिक संरचना पनि जीर्ण बन्दै गएका छन् ।
आईसिपी निर्माणका लागि जग्गा अधिग्रहण र बाहिरी पूर्वाधार निर्माणको काम सहरी विकास मन्त्रालयले गर्दै आएको छ ।उक्त मन्त्रालय अन्तरगत रहेको भवन डिभिजन कार्यालय बाँकेले जग्गा अधिग्रहण र बाहिरी पूर्वाधार निर्माणको केही काम गरेपनि भारतीय पक्षले ठुला पूर्वाधार नबनाउँदा अधुरो हुन पुगेको हो ।
नाकामा आईसिपी निर्माणको कामलाई भारतले प्राथमिकता नदिदा बषौदेखि अधुरो हुन पुगेको हो । नेपालगन्ज नाका प्राथमिकतामा पथ्र्यो भने अहिलेसम्म सञ्चालनमा आइसक्थ्यो आईसिपीमा भेटिएका एक नागरिकले भने ‘यो नाका भारतको प्राथमिकतामा नपरेकै हो ।’सरकारले पटक–पटक ती संरचना मर्मत गर्न बजेट खर्चिरहेको छ ।
त्यहाँ सुरक्षा व्यारेक निर्माण, जग्गा तारबार, सडकमा माटो र ग्राभेल पटान, ब्लक राख्नेजस्ता काममा सरकारले बर्षेनी बजेट खर्च गरेको हो ।भारत सरकारले नेपालका मुख्य नाकामा विभिन्न चरणमा आईसिपी निर्माणको काम गर्दै आएको छ । नेपालगन्जमा एक दशक बित्न लाग्दासमेत निर्माणको काम पुरा हुन सकेको देखिदैन ।
आईसिपी समयमा नबन्दा उद्योगी, व्यवसायीले अनेक समस्या र झन्झट ब्यहोर्नुपरेको व्यवसायी रमेश कार्की बताउँछन । आईसिपी सञ्चालनमा आउने वित्तिकै सामान निकासी र पैठारी गर्नमा सहजता आउने नेपालगन्जका उद्योगी, व्यवसायीको भनाई छ ।
आईसिपी निर्माणका क्रममा आईपर्ने बाधा, अवरोध समाधानका लागि भवन डिभिजन प्रमुखको संयोजकत्वमा ‘स्टेरिङ कमिटी’समेत निर्माण गरिएको छ । तर, उक्त कमिटी पनि कामविहीन देखिएको छ ।
भारतले आईसिपी परिसरमा आवश्यक पर्ने उच्च प्रविधियुक्त ठुला पूर्वाधार निर्माण गरिदिने सम्झौता भए पनि त्यसका लागि आवश्यक पर्ने जग्गा खरिद, सडक, तारबार र सुरक्षा पोष्ट नेपाल सरकारले नै निर्माण गरेको छ ।सरकारले आर्थिक वर्ष २०६५÷०६६ मा साविक जयसपुर गाविसमा साढे ९० विघा बराबरको जग्गा अधिग्रहण गरेको थियो ।
जग्गा अधिग्रहणवापत कुल ९ करोड २९ लाख लाग्ने अनुमान गरिएको छ । अहिलेसम्म ९ करोड ४ लाख रुपैयाँ वितरण भइसकेको छ ।जमुनाहा–नेपालगन्ज चारलेन खण्डको चौलिका चोक नजिकबाट पश्चिम÷दक्षिण क्षेत्रमा अवस्थित आईसिपी निर्माण स्थलमा पुग्न ६० मिटर चौडा भएको २.७ किलोमिटर जग्गा सडकका लागि अधिग्रहण गरिएको छ ।
सुख्खा बन्दरगाह क्षेत्रका लागि ९ सय मिटर लम्बाई र ५ सय मिटर चौडाई रहेको जग्गा छुट्टयाइएको छ ।
Discussion about this post