बाँके बैशाख १२ गते ।
कोहलपुर ।बाँकेको कोहलपुर नगरपालिकामा नेकपा एमालेले मेयर, उपमेयर, वडाअध्यक्ष र वडासदस्य पदमा उम्मेदवारी दर्ता गरेकाछ्न । सोमबार दोस्रो दिन राप्रपा नेपालले पहिलो लटमा वडा अध्यक्ष सहित सदस्यहरुले मनोनयन गर्दा गरेपछि एमालेले कोहलपुरमा मेयर, उपमेयर, वडाअध्यक्ष र वडासदस्य पदमा उम्मेदवारी दर्ता गराएका हुन् ।
कोहलपुर नगरपालिकाको मेयरमा खिलप्रसाद भुषालले उम्मेदवारी दर्ता गराए भने उपमेयर पदमा अस्मिता थारुले उम्मेदवारी दर्ता गराएकि छिन् । अहिले वडा अध्यक्षहरुको लागि उम्मेदवारी दर्ता भइरहेको निर्वाचन अधिकृत तीर्थराज भट्टले जानकारी दिए ।
मनोनयन गर्ने पहिलो दिन स्वतन्त्र सहित चार दलले उम्मेदवारी दर्ता गराएका थिए । उनका अनुसार पहिलो दिन राप्रपा, जनमत र नेपाल जनमुक्ति पार्टी र स्वतन्त्र उम्मेदवारले मनोनयन दर्ता गराएका थिए । तर केही राप्रपाका वडा अध्यक्ष र सदस्यहरुको मनोनय दर्ता गर्न बाँकी भएकोले सोमबार बिहान १० बजेदेखि १२ बजेसम्म उम्मेदवारी दर्ता गराएको निर्वाचन अधिकृत तीर्थराज भट्टले जानकारी दिए ।
यस्तै नेकपा एमालेसहित नेपाली कांग्रेस, नेकपा माओवादी केन्द्र, नेकपा एकिकृत समाजवादी पार्टी, नेमकिपा र राष्टिय जनमोर्चा लगायतका दलको अहिले ४ बजे मनोनयन दर्ता गर्ने कार्यक्रम रहेको छ ।
Discussion about this post