बाँके बैशाख १५ गते ।
बाँकेको कोहलपुर नगरपालिकामा नेपाली काँग्रेसबाट मेयर पदका उम्मेदवार पूर्णप्रसाद आचार्य र उपमेयर पदका उम्मेदवार संगीता सुवेदीले कोहलपुर नगरपालिकालाई भ्रष्टचारमुक्त बनाउने अभियानमा आफुहरु प्रतिबद्ध रहेको बताउनुभएको छ ।
असल शासन क्लव बासले कोहलपुरमा आज आयोजना गरेको ‘नेता ज्यू, नागरिकको आवाज सुन्नुहोस्’अभियानमा मेयर पदका उम्मेदवार आचार्य र उपमेयर पदका उम्मेदवार सुवेदीले कोहलपुर नगरपालिकालाई भ्रष्टचारमुक्त बनाउने अभियानमा प्रतिबद्ध रहेको भन्दै हस्ताक्षर गर्नुभएको छ ।
यस्तै निर्वाचनमा गलत आश्वसन नदिने, निर्वाचनमा भएको खर्च सार्वजनिक गर्ने कुरामा पनि आफुहरु प्रतिबद्ध रहेको उहाँहरुको भनाइ छ ।
निर्वाचनपछि जन्ताका आवाज सुन्ने, शान्ति सुरक्षाका व्यवस्था हुने, कोहलपुर नगरपालिकालाई ध्वनी प्रदूषणरहित सहर बनाउने, कोहलपुर नगरपालिकालाई वातावरण प्रदूषण मुक्त सहर बनाउनेलगायतका सवालमा आफुहरु प्रतिबद्ध रहेको आचार्य र सुवेदीको भनाइ छ ।
कोहलपुर नगरपालिकालाई सम्बृद्ध बनाउने सवालमा आफुहरु प्रतिबद्ध रहेको उहाँहरुको कथन थियो । बासले उक्त अभियान अन्तर्गत १४ वटा बुँदामा नेतालाई प्रश्न सोध्दै प्रतिबद्धता कार्यान्वयनमा जोड दिएका छन् ।
Discussion about this post