बाँके बैशाख १५ गते ।
नेपालगन्ज उपमहानगरपालिकामा मेयर र उपमेयर पदका उम्मेदवार प्रचारप्रसारमा जुटेका छन् । गठबन्धनको तर्फबाट नेपालगन्जको मेयरमा कांग्रेसका विष्ट र उपमेयरमा जनता समाजवादी पार्टी (जसपा)का कमरुद्धिन राई मैदानमा छन् ।
विष्ट र राई नेपाली कांग्रेससहित नेकपा माओबादी केन्द्र, जनता समाजवादी पार्टी, नेकपा एकिकृत समाजवादी पार्टी र राष्ट्रिय जनमोर्चाका साझा उम्मेदवार हुन् ।
मेयर पदका उम्मेदवार विष्ट, विभिन्न वडा तहमा रहेका उम्मेदवार, नेता, कार्यकर्ताहरु आज बिहानैदेखि प्रचारप्रसारमा ब्यस्त भएका हुन् ।
आफूहरु घरदैलोमो पुग्दा नेपालगन्ज उपमहानगरबासीले हौसला दिइरहेको विष्टले सुनाए ।‘निर्वाचनको प्रचारप्रसार गर्ने समय एकदमै छोटो छ, जतिसक्दो हाम्रा मतदातालाई मैले भेट्नेछु,’ उनले भने ‘अहिलेसम्म जति जनालाई भेटेको छु, अधिकांश मतदाता उत्साहित हुनुहुन्छ, ठाउँ ठाउँमा हामीलाई स्वागत गर्नुभएको छ ।’
यस्तै उपमेयर पदका उम्मेदवार राई पनि प्रचारप्रसारमा ब्यस्त छन् ।मेयरमा विष्ट र उपमेयरमा आफू निर्वाचित भएपछि नेपालगन्ज उपमहानगरपालिकाले विकासमा फड्को मार्ने राईले सुनाए ।
Discussion about this post