बाँके बैशाख १६ गते ।
नेपालगन्ज उपमहानगरपालिका ७ मा नेकपा एमालेबाट वडाअध्यक्ष पदका उम्मेदवार प्रशान्त श्रेष्ठप्रति मतदाताको समर्थन र मतदाताको आर्शिवाद थपिदै गएको छ ।
आफ्नो वडालाई सम्बृद्ध बनाउनका लागि कुनै कसुर बाँकी नराखिने बताए । उनले शिक्षा आफ्नो प्राथमिकता रहेको पनि बताए । आफु शिक्षाप्रेमी भएका कारणले शिक्षालाई प्राथमिकता दिने बताए । अघिल्लो निर्वाचनमा विजयी भएका जनप्रतिनिधिले कुनै पनि काम नगरेको उनको भनाइ छ ।
जुम्मन खाँ नेतृत्वको जनप्रतिनिधिको टिमले पाँच वर्षको अवधिमा वडाको समस्या समाधान गर्नै नसकेको बताए । जुम्मन खाँ व्यक्तिवादीरुपमा हावी भएका कारण आफ्नो वडाको पहिचान नै नगरेर पाँच वर्षीय कार्यकाल विताएको बताए ।
ढल र नालाको समस्या अझैपनि उस्तै रहेको भन्दै त्यसलाई पूर्णता दिने पनि उनको भनाइ छ । वडाबासीको समस्या समाधानका लागि वडाबासीलाई नै परिचालन गरिने पनि उनको भनाइ छ ।
सुशासन र भ्रष्टचाररहित वडा निर्माण गरिने जानकारी दिँदै उनले त्यसका लागि आफुले शून्यसहनशिलताको नीति लिएको पनि प्रष्ट पारेका छन् । उनले आफ्नो वडामा लामखुट्टेको समस्या रहेकाले त्यसको समाधानको लागि पनि पहल गरिने बताए ।
शिक्षा, स्वास्थ्य र कृषिलाई समेत जोड दिइएको बताउँदै उनले आफु निर्वाचित भए जनताको पीरमर्का र भावना बुझेर अघि बढ्ने उद्घोष गरेका छन् ।
Discussion about this post