बाँके बैशाख २७ गते ।
नेकपा एमालेका तर्फबाट नेपालगन्ज उपमहाजगरपालिका ३ का वडाअध्यक्ष पदका उम्मेदवार नफिस अन्सारीले आफुलाई भोट दिएर जिताए वडालाई सम्बृद्धि बनाउने बताएका छन्।
गत निर्वाचनमा सदस्य पदमा निर्वाचित भएका उनलाई यो पटक नेकपा एमालेले अध्यक्ष पदमा उम्मेदवार बनाएको छ । उनले आफ्नो वडाको बाटोघाटो निर्माण, विजुलीको पोलहरुको व्यवस्थापनलाई मुख्यरुपमा ध्यान दिइने बताए ।
गएको निर्वाचनबाट सदस्य पदमा एमालेबाट जित्ने एक्ला उम्मेदवार अन्सारीले आफ्नो पद र जिम्मेवारी अनुसार थुप्रै काम गरेको स्मरण गर्दै यो पटक शिक्षा, स्वास्थ्य र रोजगारीलाई पनि प्राथमिकता दिएर काम गरिने घोषणा गरेका छन्।
उनले आफ्नो वडाका पढेलेखेका युवाहरुलाई रोजगारीमा लगाउन प्रत्येक वर्ष वडा कार्यालयकै पहलमा लोकसेवा आयोगमा २० जनालाई सहभागी गराइने बताए ।
आयोग कक्षाका लागि उनीहरुलाई निःशूल्क गरिने उनको भनाइ छ । उनले अहिलेपनि आफुले वडाबासी कोही विरामी पर्दा औषधि उपचारदेखि मानवीय सेवा गर्दै आएको बताएका छन् । स्थानीय मतदाताहरुले पनि अन्सारीलाई जिताउनुपर्ने बताउँछन् ।
विकासप्रेमी र सहयोगी भएकाले अन्सारीलाई जिताउनु पर्ने स्थानीयबासीको माग छ ।
Discussion about this post