बाँके जेठ १० गते ।
योग समिति नेपालको तेस्रो स्थापना दिवस बाँकेमा विभिन्न कार्यक्रमको आयोजना गरी मनाइएको छ ।योग समितिको केन्द्रीय कार्यालयको आयोजनामा प्रभातफेरी, बृक्षारोपण अन्तरक्रियालगायतको कार्यक्रमको आयोजनागरी दिवस मनाइएको हो ।
न्यूरोडबाट सुरु भएको प्रभातफेरी नगरका विभिन्न भागको परिक्रमा गर्दै नेपालगन्ज उपमहानगरपालिकाको प्राङगनमा पुगेर अन्तरक्रियामा परिणत भएको थियो ।
समितिका अध्यक्ष गिरीराज भट्टराईको अध्यक्षता एवम् नेपालगन्ज उपमहानगरपालिकाका नगरप्रमुख प्रशान्त विष्टको प्रमुख आथित्यतामा कार्यक्रम भएको हो ।
कार्यक्रममा बोल्दै नगरप्रमुख विष्टले योग साधाना स्वस्थ स्वास्थ्यका लागि उपयुक्त र आवश्यक रहेको बताउनुभयो । यस्तै नगर उपप्रमुख कमरुद्दिन राईले स्वस्थ रहनका लागि आम मानिसहरुले आफ्नै जीवनशैली फेर्नु पर्ने बताउनुभयो ।
लोकमाया सुवेदीको स्वागत मन्तव्यबाट सुरु भएको कार्यक्रममा बोल्ने अन्य वक्ताहरुले योगको फाइदा र महत्वबारे आ आफ्नो धारणा राखेका थिए ।
Discussion about this post