बाँके जेठ १० गते ।
पेट्रोलियम पदार्थको मूल्य बृद्धि बारे नेपालगन्जमा आज विरोध प्रर्दशन गरिएको छ । खाली ग्यासको सिलिण्डरमा मलाई कसले किन्न सक्छ भन्ने प्ले कार्ड टाँसेर नेपालगन्जको विपी चोकमा मंगलवार विरोध प्रर्दशन गरिएको हो ।
अनेरास्ववियु बाँके र राष्ट्रिय युवा संघ बाँकेको सयुक्त आयोजनामा पेट्रोलियम पदार्थको मुल्यबृद्धि बिरुद्धको बिरोध प्रर्दशन कार्यक्रममा बढ्दो महगी नियन्त्रण गर, पेट्रोलियम पदार्थको मुल्य बृद्धि खारेज गर, अनेरास्वबियु जिन्दबाद लगायतका नारा लगाएका थिए ।
जनतालाई राहत दिन्छौँ भन्दै सरकारमा आएको सत्ता गठबन्धन यतिबेला जनतालाई महँगीको उपहार दिन व्यस्त रहेको उनिहरुले बताएका छन ।
विभिन्न बहानामा इन्धनको भाउ बढाएर हैरान बनाएको सरकारले अहिले इन्धनको मूल्यमा नयाँ कीर्तिमान नै कायम गर्यो । इन्धनको मूल्य अन्य वस्तु जस्तो होइन, यसमा हुने हरेक उतारचढावको असर समग्र उपभोग्य वस्तुमा पर्छ । सोहीकारण यतिबेला समग्र रुपमा नै मूल्यवृद्धि आकाशिएको छ । यो अवस्था आउँदासमेत राजनीतिक दलहरु मौन बसेका छन् ।
चुनावमा गठबन्धन गरेर जनमत आफ्नो पक्षमा सफल पारेको खुशी मनाउने व्यस्तताका बीच इन्धनको मूल्य भने बढाइएको छ । सत्ता संचालनमा खासै ध्यान दिन नसकेको वर्तमान सरकारले यतिबेला जनतालाई मर्कामा पार्ने गरी इन्धनको मूल्य बढाएको हो ।
इन्धनको मूल्य बढ्दा समग्र वस्तुको ढुवानी खर्च बढ्ने र यसले मुद्रास्फितिलाई बढावा दिने तथ्यलाई बेवास्ता गर्दै सरकारले पछिल्लो सात महिनामा मात्र १० पटक इन्धनको मूल्य बढाइसकेको छ ।
बिरोध कार्यक्रमलाई सम्बोधन गर्दै युवासंघ नेपालका केन्द्रिय सदस्य खेमराज शर्माले परमादेशी सरकारले जनताको मर्म नबुझि दिनदिनै पेट्रोलीयम पदार्थ र एलपिग्यासको मूल्य बढाएको मा केन्द्रिय सर्कुलर अनुसार आन्दोलन सुरु गरिएको बताए ।
उनले सरकारले मुल्य वृद्धि फिर्ता नगरे युवा विद्यार्थीले सडक जाम गर्ने र चरणबद्ध रुममा आयल निगम घेराउ गर्ने बिरोध आन्दोलन लाई उचाई दिने बताए।
बिरोध कार्यक्रममा युवा संघ का केन्द्रिय सदस्य कुस्माखर बस्याल विद्यार्थी नेता मोहित शाह , सुमन घिमिरे , प्रकाश बिस्वकर्मा लगायत नेपालगन्ज र कोहलपुरका युवा तथा विद्यार्थीको उल्लेखनीय उपस्थिती रहेको थियो।
Discussion about this post