बाँके जेठ १६ गते ।
नेपालगन्ज उपमहानगरपालिका २, दैलेखी बंगलाका २० वर्षीय सुन्दर हरिजनको शव १० दिन वितिसक्दा समेत नेपालगन्ज मेडिकल कलेजको शव गृहबाट उठ्न सकेको छैन् ।
रोल्पा जिल्ला कारागारमा कैद भुक्तान गरिरहेका उहाँको शव जेठ ७ गते नेपालगन्ज ल्याइएको हो । कारागार प्रशासनले विजय विक्रम शाहको कैद भुक्तान गर्न रोल्पा पठाएर हत्या गरेको आरोप मृतकका दाई रामकुमार हरिजनको भनाइ छ ।
रामकुमारले ७ जेठमा रोल्पा कारागारमा भाईको शव बुझेको बताउनुभयो । उहाँले भाईले आत्महत्या नगरेको दावी गर्नुभएको छ । छानविन गरि सत्यतथ्य बाहिर नल्याउँदासम्म शब नबुझ्ने परिवारजनले अडान लिएका छन् ।
मृतक सुन्दरको शव नेपालगन्ज मेडिकल कलेज शिक्षण अस्पतालको शब गृहमा राखिएको छ । घटनाबारे छानवीन गर्न बनेको समितिले नेपालगन्ज र रोल्पा पुगेर अध्ययन तथा सोधपुछ गरेर काठमाडौं फर्किसकेको छ ।
उक्त घटनामा आफ्नै गलबन्दीको पासो लगाएर सुर्खेत वराहताल गाउँपालिका १, घोडाआँखेका २७ वर्षिय विजय बिक्रम शाह शौचालयमा झुण्डिएर आत्महत्या गरेको भन्दै रोल्पा कारागारले उनका आफन्तलाई शव बुझ्न भन्यो ।
शब बुझ्ने क्रममा शाह परिवारले उक्त शब आफ्नो मान्छेको नभएको बताएपछि घटना थप रहस्यमय बनेको हो । कारागारको विवरणमा उल्लेख भएको ब्यक्ति र कैद भुक्तान गर्ने क्रममा मृत्यु भएका ब्यक्ति अर्कै भएको पुष्टि भएपछि मृतकका परिवारले हत्या भएको आशंका गरेका छन् ।
Discussion about this post