बर्दिया जेठ २९ गते ।
बर्दियामा शक्तिशाली हावाहुरीका कारण रुख ढलेर थिच्दा १२ वर्षीय बालकको मृत्यु भएको छ ।
शनिबार साँझ मधुवन ७ का अमृत थापाको मृत्यु भएको हो ।मृतक थापाको शव पोस्टमार्टमका लागि जिल्ला अस्पताल गुलरिया ल्याइएको प्रहरीले जनाएको छ ।
प्रहरीका अनुसार बाख्रा चराउन गएका थापा हावाहुरी आएपछि सुरक्षित स्थानको खोजीमा एउटा घर नजिकै पुगेका थिए । तर उक्त घर छेउको आँपको रुख ढलेर उनलाई थिचेको थियो ।
हावाहुरीले गर्दा दर्जनौं घरका छाना उडाउनुका साथै ठूलो संख्यामा रुख ढलेको जिल्ला प्रहरी कार्यालयका प्रहरी उपरीक्षक वीरेन्द्रबहादुर शाहीले जानकारी दिए ।
यस्तै हावाहुरीको क्षतिको प्रारम्भिक विवरण अनुसार अहिलेसम्म ७ जना घाइते भएको प्रहरी उपरीक्षक शाहीले बताए ।यस्तै अहिले बर्दियाका अधिकांश स्थानमा विद्युत लाइन समेत काटिएको छ । साथै ठूलो मात्रामा अन्नबाली पनि नष्ट भएको बताइएको छ ।
यद्यपि क्षतिको पूर्ण विवरण आइसकेको छैन ।
Discussion about this post