बाँके असार ११ गते ।
बाँकेको राप्तीसोनारी गाउँपालिका वडा नं.९ ढकेरी पुल स्थित ट्रकले मोटरसाइकललाई ठक्कर दिँदा एकको मृत्यु भएको छ ।
मृत्यु हुनेमा, बाँकेको बैजनाथ गाउँपालिका वडा नम्बर २ बस्ने २८ वर्षिय दिपिका खत्री कटुवाल रहेको छिन ।
शनिबार बिहान अन्दाजी ७ : ४५ बजेको समयमा ढकेरी पुल स्थित पुर्व पश्चिम राजमार्ग सडक खण्डमा समशेरगंज देखी कोहलपुर तर्फ आउदै गरेको भे ११ प ७०५ नं.को मोटरसाइकललाई सोही दिशावाट आउदै गरेको ना ५ ख ४२०४ नं.को ट्रकले पछाडी बाट ठक्कर दिएको थियो ।
ट्रकको ठक्कर बाट मोटरसाइकलमा सावर बैजनाथ २ का श्रीमान श्रीमती घाइते भएका हुन ।
श्रीमान बर्ष ३२ को दिल बहादुर कटुवालको टाउकोमा सामान्य चोट लागेको र उनको श्रीमति दिपिका खत्री कटुवालको टाउकोमा गम्भिर चोट लागी मेडिकल कलेज कोहलपुर लगिएकोमा उनको उपचारको क्रमामा मृत्यू भएको प्रहरीले जनाएको छ ।
ट्रक चालक जिल्ला मकवानपुर उपमहानगरपालिका वडा नंबर ९ बस्ने २८ वर्षिय नविन आचार्य र ट्रकलाई इलाका प्रहरी कार्यालयले नियन्त्रणमा लिइसकेको छ ।
उक्त घटना पछि स्थानियले ढकेरी स्थित पूर्व पश्चिम सडक खण्ड अवरुद्ध गरेका छन ।
Discussion about this post