बाँके, साउन १६ गते ।
नेपालगञ्ज उपमहानगरपालिका–१९ भैयापुरस्थित न्यु किसान इँटा भट्टाको पर्खाल भत्किँदा दुई मजदुरको मृत्यु भएको छ।
साउन १८ गते बिहान करिब ११ बजे इँटा भट्टाको पर्खाल अचानक भत्किँदा ५२ वर्षीय वर्षादी लोधको घटनास्थलमै मृत्यु भएको थियो। घटनामा गम्भीर घाइते भएका ४५ वर्षीय राम फेरन कोरीको उपचारका क्रममा मृत्यु भएको हो।
पर्खाल भत्किँदा गम्भीर घाइते भएका कोरीलाई उपचारका लागि अस्पताल लगिएको थियो। उनको आज बिहान करिब साढे ३ बजे उपचारकै क्रममा मृत्यु भएको प्रहरीले जनाएको छ।
मृतक लोधको शव पोस्टमार्टमपछि आफन्तको जिम्मा लगाइएको छ। कोरीको शव भने पोस्टमार्टमका लागि अस्पतालमै राखिएको छ।
घटनाबारे थप अनुसन्धान भइरहेको प्रहरीले जनाएको छ।
ADVERTISEMENT
Discussion about this post