बाँके साउन १० गते ।
बाँकेको कोहलपुरमा एक दम्पति मृत अवस्थामा फेला परेका छन् । कोहलपुर नगरपालिका– १४ पार्वतिपुरमा २५ वर्षीय कृष्ण गडरिया र २२ वर्षीया अञ्जली गडरिया मृत अवस्थामा फेला परेको कोहलपुरका डिएसपी ऐनबहादुर मल्लले जानकारी दिनुभयो ।
कृष्णको शव घर बाहिर र अञ्जलीको शव घरभित्र फेला परेको प्रहरीले जनाएको छ । प्रहरीका अनुसार, कृष्णको हातमा चोट देखिएको र अञ्जलीको घाँटीमा डोरीको डोब रहेको तथा मुखबाट फिँज आएको देखिएकोले उनीहरुको हत्या भएको आशंका गरिएको छ ।
घटनाबारे प्रहरीले आज विहान ६ बजेमात्रै थाहा पाएको थियो । परिवारका अन्य सदस्यले विहान कृष्णको शव देखेपछि प्रहरीलाई खवर गरेका थिए । त्यसपछिमात्रै प्रहरी घटनास्थल पुगेको थियो ।
घटनाबारे थप अनुसन्धान भइरहेको प्रहरीले जनाएको छ। दुवै जनाको शव पोष्टमार्टमका लागि भेरी अस्पतालमा राखिएको छ।
ADVERTISEMENT
Discussion about this post