बाँके असोज १८ गते । दशै सुरु भए संगै नेपालगन्जमा रामलीलाको रौनक सुरु भएको छ । सत्यमाथि विजयको प्रतीकका रूपमा मनाइने दशैको पहिलो दिन घटस्थापनादेखि विजयादशमीको दिन सम्म राति ८ बजे देखि १२ बजेसम्म रामलीला मञ्चन गरिन्छ । भारतको वृन्दावनबाट आएका नेपालगनजको रामलीला मैदानमा २ंं० जना कलाकारहरुको समूहले भगबान राम र सीताको जीवनीमा आधारित विभिन्न कथालाई नाटकीय रूपमा प्रस्तुत गर्ने गरेकाछन् । रामलीलाको मन्चन राज्याभिषेक अर्थात् विजयादशीको राति सम्म चल्छ । नेपालगन्जमा १ सय ५३ वर्षदेखि रामलीला मन्चन हुदै आएको छ । डेढ शताब्दी देखि नेपालगन्जमा रामलीला मन्चन हुदै आए पनि पछिल्लो पुस्ताका अधिकांश नेपाली हिन्दु धर्मालम्बीहरु बिच रामलीलाका ऐतिहासिक र धार्मिक महत्वका बारेमा जानकारी नहुदा रामलीला प्रतिको आकर्षण घट्दै गएको हो ।
रामलीला मन्चन गर्ने कलाकारहरुको समूहमा नया पुस्ता देखि हजुरबुवा पुस्ता सम्मका कलाकारहरु रहेका छन । रामलीला हेर्न दैनिक ५ हजार दर्शकहरु रामलीला मैदानमा पुग्न गरेका छन । नेपालगन्जका साथै सीमाबर्ति भारतीय गाउँबाट पनि लामलीला हेर्न आउने दर्शकहरुको संख्या बढ्दै गएका छन । रामलीला डेढ सय वर्षदेखि मंन्चन हुदै आएको अद्भुत नाट्य कथा मन्चन मात्रै नभएर नेपालगन्जको मौलिक इतिहासका रुपमा मानिन्छ । रामलीला संचालक समितिले दाताहरुबाट चन्दा संकलन गरेर कलाकारको पारिश्रमिक देखि खाने, बस्ने र मञ्च व्यवस्थापन गर्दै आएको छ । बर्षमा रामलीला संचालनका लागि करिब १५ लाख रुपैया खर्च लाग्ने समितिको अनुमान छ । रामलीलाको निरन्तरताका लागि नया पुस्ताका बिचमा रामलीलाको महत्व बुझाउन जरुरी भएको रामलीता संचालक समितिका सदस्य रमेश कुमालले बताए । भगवान् रामको आदर्श र मर्यादा हिन्दु धर्मालम्बीहरुका लागि निक्कै महत्वपूर्ण मानिन्छ । कलाकारहरुले भगबान रामले आफ्ना प्रजाका लागि गरेको त्याग, परिवारप्रतिको समर्पण र एउटा राजाले प्रजालाई गर्ने व्यवहारहरुलाई कलाकारहरुले नाट्य शैलीमा प्रस्तुत गर्दछन् । पछिल्ला दिनहरुमा पारिवारिक सम्बन्धमा आइरहेको विचलनलाई कम गर्दै परिवारभित्र एकता, प्रेम र सद्भाव कायम गर्न रामलीलाले सकारात्मक सन्देश दिने बिश्वास रामलीला संचालक समितिको जनाएको छ । नेपालगन्जको मूख्य शहरी क्षेत्र मै रामलीला मन्चनका लागि दाताहरुले दिएको १ बिघा भन्दा बढी जग्गा रहेको छ । रामलीला मैदानको करिब ५० लाखको लागतमा मन्च तथा भबनहरु निर्माण गरिएको छ । दशैको नवमीका दिन रावण मूर्तिको बध गरेर बिजय उल्लास मनाईन्छ ।
Discussion about this post