बाँके भदौ १ गते ।
नेपालगन्जको चौलिक्का चोकस्थित सशस्त्र प्रहरीले चेकजाँचको बाहनामा असुली गर्दै आएको छ ।
सशस्त्र प्रहरी बल नम्वर ३० गण बागेश्वरी बाँकेबाट चौलिक्कामा टोली खटिएको छ ।
रोजगारीको शिलशिलामा भारतबाट फर्किने नेपाली र किनमेलका लागि रुपैडियाबाट फर्किने नेपालीबाट चौलिक्कामा खटिएको सशस्त्र प्रहरीले विभिन्न चेकजाँचको बाहानमा असुली गर्दै आएको यात्रुहरु बताउँछन् ।
चेकजाँचको त्रास देखाएर झोला खोतल्ने, फाल्ने र हाकाहाकी चियापानी खर्च माग्ने गरेको यात्रुहरु बताउँछन् । टांगा तथा अटो रिक्सावालाले पनि लाइन मिलाइ दिने भन्दै नेपालीहरु लुट्ने गरेका छन् । उनीहरुले सशस्त्रलाई आफुले मिलाइसकेको भन्दै न कोरोना जाँच गर्नु पर्छ न त चेकजाँच गर्नु पर्छ भन्दै सर्वसाधरणबाट लुट्ने गरेका हुन ।
यही बाहनामा सशस्त्र प्रहरीलाई नेपालीहरुले पचास सय रुपैयाँ दिने गरेको यात्रुहरु बताउँछन् । सशस्त्र प्रहरीका असइ लालबहादुर बिसी नै असुली धन्दामा सक्रिय रहेको पाइएको छ । रोजीरोटीका लागि भारत पुगेर कडा परिश्रम गरेर कमाइ गरि ल्याइएको रकममा असइ विसीले आँखा लगाउने गरेका हुन् ।
जवकी सशस्त्रले अनावश्यक चेकजाँच गर्न पाउँदैन । नेपाल प्रहरीले गर्ने काम सशस्त्रले गर्दै आएको छ । एकजना यात्रुले भने हामीलाई भारतीय सुरक्षाकर्मीले पनि यति दुःख दिन्थेनन् जति नेपाली सुरक्षाकर्मीले अहिले दिइरहेका छन् ।
हिंजोआज दैनिक साढे दुई सयको हाराहारीमा कालापहाडेहरु नेपाल फर्किरहेका छन् ।
त्यस्तै चाडपर्व सुरु भएसंगै किनमेल गर्नेहरु ओहोरदोहोर गर्ने नेपालीको संख्या पनि धेरै बढेका छन् । चौलिक्कामा खटिने सशस्त्र प्रहरीले एसपीको नाम बेचेर असुली गर्ने गरेको पाइएको छ । उनीहरुले सय पचास रुपैयाँ माग्ने गरेका छन् ।
यहाँसम्मकी लाइन दिने हो भने मुल भन्सारबाटै अवैध माछा समेत भित्रिने गरेको छ । लाइन नदिए त्यस्ता अवैध माछा भारततिर फर्काइने गरेको छ । माथिल्ला अधिकारीको नाम भजाउँदै सशस्त्रका तल्लो दर्जाका प्रहरीले चौलिक्कामा असुली धन्दानै मच्चाएका छन् ।
चौलिक्कामा खटिएका सशस्त्र प्रहरीका कारण पुरै संगठन नै बदनाम भइरहेको छ । यसमा भन्सारको भूमिका पनि प्रभावकारी देखिएको छैन् । सशस्त्रले भन्सारलाई दोष लाउने र भन्सारले सुरक्षा अधिकारीलाई दोष लगाउने गरेको पाइएको छ ।
Discussion about this post