बाँके कात्तिक १ गते ।
जनता समाजवादी पार्टीका नेता तथा बाँके क्षेत्र नं २ का प्रतिनिधिसभा उम्मेदवार मोहम्मद इश्तियाक राईले आफ्नो उम्मेदवारी विकास र सम्बृद्धिका लागि भएको बताएका छन् ।
निर्वाचन क्षेत्रका विभिन्न स्थानमा पार्टीको चुनावी प्रचार प्रसार कार्यालयहरूको उद्घाटन गर्दै उनले आगामी मंसिर ४ गते हुने निर्वाचनमा विकासप्रेमीलाई मत दिन मतदातासँग अपिल गरे । ‘भोट हाल्ने अधिकार तपाईलाई छ कामहरूलाई हेर्नुहोस् र मूल्याङ्कन गरेर विवेक प्रयोग गर्नुस् भन्नेमात्रै मेरो आग्रह हो’ उनले भने ‘मेरो उम्मेदवारी विकास र सम्बृद्धिका लागि हो।’ मधेस आन्दोलनको जगमा प्राप्त उपलब्धिहरूलाई जोगाउनका लागि आफूहरू चुनावबाट जनताको स्विकृती माग्न आएको उनको भनाइ छ ।
उनले मधेशी तथा मुस्लिम समुदायको अधिकार स्थापित गर्नका लागि आफु अनुमोदित हुन चाहेको पनि उल्लेख गरे । ‘ ‘कतिबेला हाम्रा अधिकारहरू फेरि खोसिन्छन् थाहा छैन त्यसैले फेरि पनि हामी संसदमा जान जरुरी छ उनले भने हाम्रा अधिकारको रक्षा गर्न र विकासको लहर ल्याउनका लागि फेरि हामी निर्णायक ठाउँमा पुग्न जरुरी छ।’
मंगलवार नेपालगन्जका वडा नं ४ सल्यानीबाघ, डुडुवा गाउँपालिका १ प्रिपहवा, २ र ३ को बरदवामा सम्पर्क कार्यालयहरू खुलेका छन्।जसपाले क्षेत्र नं २ भित्र पर्ने नेपालगन्जका सबै वडाहरू र टोलहरूमा आफ्नो प्रचार प्रसारका लागि सम्पर्क कार्यालयहरू खोलिसकेको छ।
Discussion about this post