बाँके कात्तिक १८ गते ।
जसपाका नेता तथा, बाँके क्षेत्र नं.२ का प्रतिनिधिसभा सदस्य उम्मेदवार मोहम्मद इस्तियाक राईले संबिधान रक्षाका लागि जसपालाई जिताउन अपिल गर्नु भएको छ ।
नेपालगन्ज उपमहानगरपालिका २० राँझामा आयोजित पार्टीको चुनावी सभालाई सम्वोधन गर्दै उहाँले काँग्रेस, एमाले र राप्रपालगायतका दलहरुले मधेशी तथा मुस्लिम समुदायको हकअधिकार सुरक्षित गर्न नसकेको भन्दै उनीहरु प्रतिगामी शक्ति भएको बताउनुभयो । उहाँले केही राजनीतिक दलहरु राजा आउ देश बचाउ भन्दै हिडेको भन्दै त्यो सम्भव नभएको बताउनुभयो ।
उहाँले अझैपनि केही शक्तिले जनतालाई गुलाम बनाउन खोजेको भन्दै त्योबाट मुक्त हुन आव्हान गर्नुभयो । उहाँले धर्म र जातका नाममा समाज भड्काउनेबाट सजक हुन पनि सबैलाई आव्हान गर्नुभयो । उहाँले अझै पनि धर्म र जातका नाममा केही राजनीतिक दलले राजनीति गर्न खोजेको भन्दै त्यसबाट मुक्त हुन सबैलाई आग्रह गर्नुभएको छ ।
उहाँले धर्म र जातको आधारमा जनतालाई भिडाउने काम बन्द गर्न सुझाव दिँदै अव जनता सचेत भइसकेको बताउनुभयो । जसपाको आन्दोलन पहिचान र समावेशीको लागि भएको बताउँदै उहाँले सबै समुदायलाई एउटै मालामा बुन्ने काम जसपाले गरेको बताउनुभयो ।
उहाँले आफुलाई शिल्यान्यास मन्त्री भएको भनेर प्रतिपक्षहरुले लगाएको आरोपको खण्डन गर्नु भएको छ । भेरी अस्पतालको नयाँ भवन, नेपालगन्जमा हाइमास्ट लाइटलगायतका काम देखिने गरेर भएको बताउनुभयो ।
उहाँले नेपालगन्जका पूर्व मेयर धवलशम्शेर राणाले आफ्नो होटेल अगाडि हाइमास्ट जडान गरेर विकासको नमुना देखाउन खोज्नु नेपालगन्जबासीको अपमान भएको बताउनुभयो । आफु विकासप्रेमी नेता भएको उल्लेख गर्दै उहाँले नेपालगन्जको विकासमा थुप्रै योजना कार्यान्वयनमा आएको बताउनुभयो ।
कोरोना महामारीमा सरकारी रकम खर्चेर तत्कालीन मेयर राणाले खाद्यान्नमा समेत अनियमितता गरेको बताउनुभयो । उहाँले आफुलाई भ्रष्टाचारी नेता भनेर दुष्प्रचार गरिएकोमा आपत्ती जनाउँदै सदाचारीहरुसँग रामलीला मैदानमा वहस गर्न तयार भएको चेतावनी दिनुभयो ।
उहाँले नेपालगन्ज उपमहानगरपालिकाले आफ्नो बजेटमा एक मिटर बाटो समेत पिच नगरेको दावी गर्नुभयो । उहाँले आफुले विकास निर्माणमा सबैलाई समेटेको पनि उल्लेख गर्नुभयो ।
उहाँले दशदश वर्ष नेपालगन्जको मेयर चलाएर नेपालगन्जलाई विकासको गति दिन नसकेको आरोप समेत लगाउनुभयो । कार्यक्रममा विभिन्न पार्टी परित्याग गरेर २०० बढी जनता समाजवादी पार्टी नेपाल जसपामा प्रवेश गरेका थिए ।
Discussion about this post