बाँके कात्तिक १९ गते ।
जनता समाजवादी पार्टीका नेता बाँकेले निर्वाचन क्षेत्र नं २ का प्रतिनिधि सभाका उम्मेदवार मोहम्मद इश्त्यिाक राईले धर्म र सम्प्रदायको कुरा नगर्न सबैलाई आग्रह गरेका छन् ।
पार्टीले नेपालगन्ज ४ बसपार्क र २२ पुरैनामा आयोजना गरेको चुनावी कोणसभा तथा मतदाता भेटघाट कार्यक्रमलाई सम्वोधन गर्दै उनले धर्म र सम्प्रदायको कुरा छाडेर विकास र सम्बृद्धिको कुरा गर्न आग्रह गरेका हुन् ।
उनले आफुले गरेको विकासको दुष्प्रचार गरिएको भन्दै आपत्ती जनाए । उनले त्यस्ता भ्रम चिर्न रामलिला मैदानमा वहस गर्न पनि चुनौति दिए । उनले पूर्वाधार निर्माणमा आफुले ठूलो योगदान दिएको बताए । आफु मन्त्री भएका बेला नेपालगन्ज र डुडुवामा सडक निर्माणले गति लिएको बताए ।
पुष्पलाल चोकदेखि अव सिधनियासम्मको सडक झिलिमिलि हुने बताए । यसअघि शिलान्यास गरिएका अधिकांश सडकहरु अव निर्माणको प्रक्रिया रहेको बताए । उनले ९ वटा पुलले पनि निर्माणको काम सुरु भएको बताए । कोरोनाकालमा पनि आफुले व्यक्तिगतरुपमा ठूलो सहयोग गरेको स्मरण पनि गरे ।
नेपालगन्ज उपमहानगरपालिकाले सडेको चामल वितरण गर्दा आफुले बासमति चामल वितरण गरेको पनि जिकिर गरे । उनले हाइमास्ट निर्माण, १३० किलोमिटर सडक निर्माणलगायतका योजना आफुमन्त्री भएको बेला सुरु गरिएको पनि बताए । उनले विकास रोक्ने काम भएको भन्दै आपत्ति समेत जनाए । उनले कामको मूल्यांकनका आधारमा आफुलाई मत दिने बताए ।
मतदातासँग भोट अपिल गरिरहेका उम्मेदवार राईले यसपालिको चुनाव विकास, सद्भाव भाइचारा र सामाजिक सद्भाव भड्काउनेहरूबीच भइरहेको भन्दै अब समृद्धि र विकासलाई फेरि निरन्तरता दिन अग्रह गरेका छन्। उनले दलबल र गठबन्धनको शक्तिले फैलाएका भ्रमहरूको पछि नलाग्न र सही व्यक्तिलाई चुन्न पनि अपिल गरे। ‘हामी यही लोकतन्त्रका लागि लडेका हौं।
यही अपनत्व र समानुपातिक प्रतिनिधित्व अनि आफ्नो पहिचानका लागि हाम्रा मधेसी नागरिकले आफ्नो रगत बगाएका हुन्’ उनले भने ‘फेरि पनि यो व्यवस्थालाई हामीले प्राप्त गरेका उपलब्धीहरूलाई मास्नका लागि चुनाव लड्नेहरू पनि तपाईंका घरदैलोमा आएका छन्। हामीले उनीहरूलाई राम्रोसँग चिन्न जरुरी छ।’
उम्मेदवार राईले जसपा र आफ्ना उम्मेदवारहरूप्रति मतदाताले अगाध उत्साह देखाएको भन्दै त्यो विकासको उत्साहलाई आफूले सधैं शिरोधार्य गर्ने बाचा पनि गरे। ‘मेरो लागि गठबन्धन भने पनि, चुनाव जित्ने शक्ति भने पनि तपाईं आम मतदाताहरूले देखाउनुभएको यही अगाध विश्वास, प्रेम, उत्साह र हामीप्रतिको विश्वास हो’ उनले भने ‘हामी तपाईंहरूसँग वाचा गर्छौं कि तपाईंहरूले जिताएका कुनै पनि उम्मेदवारहरूले यो विश्वासलाई धोका दिनेछैनौं।’
यसक्रममा विभिन्न पार्टी परित्याग गरी करिब २०० जना भन्दा बढी जनता समाजवादी पार्टीमा प्रवेश गरेका थिए। उनीहरूलाई जसपा नेता तथा क्षेत्र नं २ का उम्मेदवार मोहम्मद इश्तियाक राईले स्वागत गरेका थिए।
Discussion about this post