बाँके भदौ १ गते ।
नेपालगन्ज उपमहानगरपालिका १८, कारकाँदोस्थित द टायल्स ग्यालरीले १० जना दक्ष मिस्त्रीलाई टायल उठाउने मेसिन प्रदान गरेको छ ।
टायल, मार्वल, ग्रेनाइट लगाउने दक्ष मिस्त्रीको हौसला बढाउन र उनीहरुको काममा सहजता प्रदान गर्न मिस्त्रीलाई टायल उठाउने मेसिन प्रदान गरिएको संचालक तारिक राईले बताए । स्थापनाको चौथो वर्षमा प्रवेश गरेको उपलक्षमा दक्ष मिस्त्रीलाई मेसिन र टी–शर्ट प्रदान गरिएको संचालक राईले बताए । उनले पहिचानका लागि मिस्त्रीलाई टी–शर्ट पनि प्रदान गरिएको जानकारी दिए ।
नविल बैंकको पूर्वपट्टी रहेको द टायल्स ग्यालरीले सस्तो मुल्यमा टायल्स, मार्वल्स, ग्रेनाइट, पलम्विङ र सेनेटरी लगायतका सामग्री थोक तथा खुद्रा मुल्यमा विक्रि वितरण गर्दै आएको छ । ‘हामीले बजारभन्दा सस्तो मुल्यमा सामान दिन्छौँ नै हामीले मिस्त्री सेवा पनि सर्वसुलभ रुपमा उपलब्ध गराउँछौँ,’ उनले भने, ‘हामीसँग हाम्रै दक्ष मिस्त्री उपलब्ध छन् ।’
थोरै लगानीमा सुरु भएको द टायल्स ग्यालरीले अहिले नेपालभर सामान पठाउँदै आएको उनले बताए । ‘विशेषगरी बाँके, दाङ, बर्दिया, सुर्खेत दैलेख, जुम्लामा हाम्रो सामान जान्छ, तर हामीले पछिल्लो समय देशभर सामान पठाउँदै आएका छौँ,’ राईले भने ।
Discussion about this post