बाँके मंसिर २८ गते ।
मानव सेवा आश्रम नेपालगन्ज शाखाले बुधबार दिउसो ३ बजे देखि ६ बजेसम्म ‘आमा सेमिनार’ गरेको छ।
मानव सेवा आश्रमका संस्थापक केन्द्रीय अध्यक्ष रामजी अधिकारीले छोरा, बुहारीबाट अपहेलित भएका कयौं आमा र बुवाका अनि बुवा आमाले छोडेका छोराछोरि जो सडकमा मरेर बाचिरहेकाहरुको दुःख, बेदना सुनाउँदा हलमा उपस्थित भएका सबैंका आखा रसाएका थिए भने मन भक्कानिएको थियो।।
परिवारबाट अपहेलित हुनुपर्दा अहिले कतिपय बुवाआमा सडक पेटीमा पुगेका छन् । कतिपय घरभित्र खुम्चिएर बस्नु परेको छ । मानवसेवा आश्रमले बिगत एक दशक देखि सडकपेटिमा बेसहारा भएका घरभित्र साङ्ग्लाले बाधिएकाको साहारा बन्दै सभ्य समाज निर्माण गर्न आफुलाई समर्पित गर्दै आएको छ। आमा सेमिनारमा आश्रको स्थापनाकाल देखि हालसम्मको अवस्थाबारे सेमिनारमा चित्रण गरिएको थियो।
आमा सेमिनारलाई सम्बोधन गर्दै कार्यक्रमका प्रमुख अतिथी एवम् लुम्बिनी प्रदेशका कृषि मन्त्री भण्डारीलाल यादवले मानवताको सेवा नै धर्म भएको बताउदै आफुपनि यो मानवताको कार्यदेखि निकै खुसि भएको बताउदै आफुले पाउने तलबभत्ता आश्रमको लागि सहयोग गर्ने घोषणा समेत गर्नुभएको छ।
मानवता, राष्ट्रियता, परोपकार, राष्ट्र, प्रेम र आफुलाई जन्मदिने माता पिताको महत्व बोध गराई, प्रेम, सद्भाव, करुणालाई जन जनमा, मन मनमा पुर्याउने उद्देश्यले सेमिनार आयोजना गरिएको आश्रमले जनाएको छ । देशलाई नै सहयोगापेक्षी सडक आश्रित मानवमुक्त राष्ट्र निर्माणको परिकल्पना गरी सेवा गरिरहेको आश्रमले उक्त सेमिनार बाँके जिल्लालाई केन्द्र बनाई जिल्लास्थित जनप्रतिनिधि, राजनीतिक दल, सरोकारवाला, नागरिक समाजका अगुवा, शिक्षक, बिद्यार्थी, लगायतलाई सहभागी गराएको हो ।
सेमिनारमा यो आश्रम अब हामि सबैको जिम्मेवारी भएको हुँदा यसको सरक्षण अब हामि सबैले गर्नुपर्ने सस्थापक अध्यक्षले बताउनु भयो।आश्रमको आफ्नै भवन निर्माण गर्नका लागि नेपालगन्जका वरिष्ठ समाजसेवी एवम् दानवीर जयकेश सिंहले आफ्नो १० कठ्ठा जमिन प्रदान गर्नुभएको अब त्यसमा आश्रमको भवन निर्माणको लागि तिनै वटा सरकारि निकाय अनि हामिसबैको सहयोग अपरिहार्य भएको बताउनुभएको छ।
सडकमा कोहि भोकै बस्न नपरोस भनेर प्रत्येक शनिवार आठ बजे पछि सडकपेटिमा बस्ने व्यक्तिहरुको उद्दारमा सबैजना खटिने गरेको बताउनु भयो। मानवसेवा आश्रमको नेपालगन्ज शाखामा अहिले ५० जनाले आश्रय लिइरहेका छन् । सेमिनारमा बसेर मानवसेवा आश्रमको बारेमा भर्खरैका युवाहरुले गरेको स्वयंसेवा देखेर धेरै जनाले आफुले यो आश्रमलाई प्रत्यक्ष होस या अप्रत्यक्ष होस आ आफ्नो ठाउँबाट सहयोग गर्ने प्रतिबद्धता गरेका छन् ।
Discussion about this post