बाँके मंसिर २८ गते ।
नेपालगन्ज उपमहानगरपालिकामा जडान भएका हाईमास्ट लाइटले विद्युत महशुल आकासिएको छ । हाईमास्ट लाइटको महशुल आकासिए पछि उपमहानगरको वक्यौता बढेको छ ।
नेपाल विद्युत प्राधिकरण नेपालगन्ज वितरण केन्द्रका अनुसार हाईमास्ट लाइटको विद्युत शुल्क वापत उपमहानगरले तीन करोड ३३ लाख ३३ हजार ५४ रुपैयाँ तिर्नुपर्ने भएको छ । हाईमास्ट लाइटको सवैभन्दा धेरै महशुल राँझामा जडान भएको हाईमास्ट लाइटको छ । उपमहानगरपालिकाले उक्त हाईमास्ट लाइटको १२ लाख तीन सय ७५ रुपैयाँ तिर्नुपर्ने छ ।
त्यसैगरी, बसपार्क, त्रिभुवन चोक र स्पोर्ट एकेडेमीको समान ११ लाख ८८ हजार तथा वागेश्वरी मन्दिर, बाबुगाउँ, पुष्पलाल चोक, भाटभटेनी चोक, चौलिका त्रिवेणीमोड, सोल्टीमोड, भेरी अस्पताल अगाडी, कव्रस्तान, पिप्रह्वा, शमसानघाट, भन्सार, सेतु विक चोक, पुरैना, त्रिभुवन चोक, वाटरपार्क, दाउत इस्लामिक, धम्बोझी, विपी चोक, सिटी हल, लालापुर्वा, पुरैनी, जयसपुर कव्रस्तान, जमुनाह, ट्राफिक चोक, गणेशमान चोक, वन कार्यालय, आदर्शनगर, पासाङ ल्यामु मार्ग, बसन्ता चोक, फुटाहा, गायत्री मन्दिर, कान्ति ताल र मनिकापुरको समान सात लाख ९२ हजार रुपैयाँ वक्यौता छ ।
नेपाल विद्युत प्राधिकरणका अनुसार, तेजनगर चोक र विशाल नगर चोकको समान पाँच लाख ५४ हजार तथा विर्ता कर्वला नजिक चोकको दुई लाख ९७ हजार र कारकाँदोको दुई लाख ५४ हजार ८९७ रुपैयाँ विद्युत वक्यौता छ । ‘यो रकम हाईमास्ट लाइटको विद्युत महशुल हो,’ वितरण केन्द्र प्रमुख जगन्नाथ लामिछानेले भने ।
Discussion about this post