बाँके मंसिर २९ गते ।
बोलेरो गाडीले ठक्कर दिँदा ड्यूटीमा रहेका प्रहरी जवानको मृत्यू भएको छ । बर्दियाको बाँसगढीबाट कोहलपुर तर्फ आउँदै गरेको भे १ ज ३४०७ नम्बरको बोलेरो गाडीले ठक्कर दिँदा बाँकेको मदन चोकमा कार्यरत प्रहरी जवान विशाल ओलीको मृत्यू भएको हो ।
दुर्घटनामा बर्दियाको अस्थायी ट्राफिक पोष्ट बबईमा कार्यरत सहायक प्रहरी हवल्दार लालबहादुर बुढा क्षेत्री घाइते भएको जिल्ला ट्राफिक प्रहरी कार्यालय बाँकेका बरिष्ठ प्रहरी नायव निरीक्षक प्रविण आचार्यले जानकारी दिए । घाइते क्षेत्रीको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको छ ।
प्रहरीलाई ठक्कर दिने गाडी र चालकलाई प्रहरीले नियन्त्रणमा लिएर अनुसन्धान गरिरहेको बाँके प्रहरीले जनाएको छ ।
ADVERTISEMENT
Discussion about this post