संघीय सरकार ले अनुमति दिए कर्णालीमा चिनले काम गर्न ईच्छुक
काठमान्डौ कार्तिक ६ गते । कर्णाली प्रदेश सरकारले सुर्खेतको रिङरोड निःशुल्क सर्वे गर्न तिब्बत सरकारसंग प्रस्ताव गरेको छ । मुख्यमन्त्री महेन्द्रबहादुर शाहीले आफ्नो १० दिने तिब्बत भ्रमणका क्रममा तिब्बत सरकारसंग यस्तो प्रस्ताव गरेका हुन् । उनी गएको २७ असोजमा तिब्बत भ्रमण गएका थिए ।
बुधबार स्वदेश फर्किएपछि त्रिभुवन अन्तराष्ट्रिय विमानस्थलमा भएको पत्रकार भेटघाट कार्यक्रममा बोल्दै उनले आफ्नो तिब्बत भ्रमण महत्वपूर्ण, सफल र उपलब्धीपूर्ण रहेको बताए । ‘मैले कर्णाली प्रदेशको राजधानी सुर्खेतको रिङरोड र सुर्खेतदेखि बर्दियासम्मको टनेल मार्गको निःशुल्क सर्वे गरिदिन त्यहाँको सरकारसंग छलफल गरेँ । यो बिषयमा त्यहाँको सरकार सकारात्मक छ।’ मुख्यमन्त्री शाहीले भने,‘यस बिषयमा वातावरण बनाएर संघीय सरकारले अनुमति दियो भने त्यहाँको सरकारको लगानीमा रिङरोड बनाउने भन्ने कुरा भएको छ । त्यस्तै सुर्खेत बर्दिया सुरुङ मार्गको बिषयमा पनि छलफल गरेँ । त्यो बिषयमा पनि तिब्बत सरकार सकारात्मक छ ।
मुख्यमन्त्री शाहीले कर्णाली प्रदेश र सान्ताउ प्रदेशबीच भगीन सम्बन्ध बनाउने बारेमा पनि कुराकानी भएको जानकारी दिए । ‘यो पनि संघीय सरकारले अनुमति दिएमा संभव छ । हामीले बाताबरण बनाउने हो । त्यो भएन भने पनि बिरेन्द्रनगर र त्यहाँको सान्ताउ सिटीबीच भगीनि शहरको सम्बन्ध बनाउने कुराको पनि छलफल भयो ।’ शाहीले भने ।
त्यस्तै उनले तिब्बतका बिभिन्न कम्पनिहरुसंग कर्णाली प्रदेशमा लगानी गर्ने बिषयमा कुराकानी भएको जानकारी दिए । उनीहरुको चासो पर्यटन, पूर्वाधार, कृषी, एकिकृत बस्ती विकास र जडिबुटीमा रहेको मुख्यमन्त्री शाहीको भनाई छ ।
मुख्यमन्त्री शाहीले १० दिने तिब्बत भ्रमणका क्रममा तिब्बतका बिभिन्न शहरमा भएका विकास पूर्वाधार सम्बन्धि भौतिक संरचनाहरुको अवलोकन समेत गरेका थिए । सान्ताउ र छिन्ताओ (तिब्बतका शहरहरु)को पनि भ्रमण गरेका मुख्यमन्त्री शाहीले ती शहरहरु विश्वमै विकासमा मोडल रहेको बताए ।
उनले आफ्नो भ्रमण सम्बन्धि विस्तृत रुपमा बताउँदै अगाडी भने,‘तिब्बतको सान्ताउ प्रदेश विश्वकै मोडल विकास भएको प्रदेश रैछ । त्यहीको एक कम्पनिले त्यहाँ धेरै पूर्वाधार सम्बन्धि काम गरेको हुनाले मैले पनि त्यो कम्पनिसंग छलफल गरेको हुँ । त्यसले विकास गरेका बिभिन्न भौतिक संरचना पनि हेरियो । समुन्द्रमाथि बनाईएको सबैभन्दा लामो सडक पनि हेरियो । समुन्द्रमाथि सडक कसरी बनेको रैछ भन्ने कुरा पनि थाहा पाईयो । त्यसपछि समुन्द्र भित्र टनेल बनाएर सडक बनाएको रैछ त्यो पनि हेरियो । अर्को एकिकृत बस्ती विकास पनि त्यहाँ गरिएको रैछ । हामीले जो कर्णालीमा गर्ने भेनेका छौं । त्यो कसरी संभव भएको रैछ भन्ने बारेमा पनि अध्ययन र अवलोकन गर्ने काम भयो । उनीहरुले एकिकृत बस्तीको विकास गर्न धेरै राम्रा घरहरु बनाएका रैछन् त्यो तिब्बत, सिचुवान प्रान्तमा पनि हेरियो । र छिन्ताओमा पनि हेरियो एकिकृत बस्ती विकासको मोडल । एकिकृत बस्ती विकासको बारेमा संघीय सरकारले अनुमति दिएमा र सम्झौता गर्ने स्थिति बनेमा बनाईदिन सक्छौं भन्ने तरीकाले त्यहाँका कम्पनिहरुले इच्छा देखाएका छन् । यो कर्णाली प्रदेशमा एकिकृत बस्ती विकास आवश्यक पनि छ । यस बिषयमा कसरी, कुन मोडलमा काम गर्ने भन्ने कुराको वातावरण बन्यो भने त्यहाँको सरकारले आफ्नो अनुभव सहित हाम्रो प्रदेशमा काम गर्ने इच्छा देखाएको छ । संघीय सरकारले त्यसको अनुमति दिनुपर्छ । हामीले बाताबरण बनायौं भने संघीय सरकारले अनुमति दिएमा त्यो सम्भव पनि छ ।’
Discussion about this post