बाँके पुस २२ गते ।
नेपालगन्ज नाकाबाट भित्रिएको गिलास प्रहरीले बरामद गरेको छ । वेवारिसे अवस्थामा फेला परेका गिलास वडा प्रहरी कार्यालयको टोलिले बरामद गरेको हो ।
नेपालगन्ज उपमहानगरपालिका वडा नं.३ स्थित गौसिया मस्जिद नजिकैबाट बेवारिसे अवस्थामा बोरामा रहेको दुई सय वटा गिलास बरामद भएको वडा प्रहरी कार्यालय नेपालगन्जका इन्चार्ज प्रहरी निरीक्षक हरिबहादुर विसीले जानकारी दिए । उक्त गिलासको मूल्य करिव एक लाखको हाराहारी रहेको प्रहरीको अनुमान छ ।
बरामद गरिएका पित्तलका गिलास थप कारवाहीका लागि नेपालगन्ज भन्सार कार्यालयमा बुझाइएको पनि प्रहरीले जनाएको छ । भारतमा सस्तो मूल्यमा खरिद गरि ती गिलास नेपाल भित्र्याइएको अनुमान छ । प्रहरीलाई देखेपछि तस्कर फरार भएको हुन सक्ने पनि प्रहरीको अनुमान छ । पछिल्लो समय खुलासीमाको फाइदा उठाउँदै तस्करहरुले अवैध सामानहरु भित्र्याउने क्रम बढेको छ ।
Discussion about this post