खोजखबर संवाददाता बाँके कात्तिक ७ गते । नेपालगञ्जको विपी चौक नजिकै बिहिवार साँझ एक कपास उध्योग सहित फर्निचर उध्योगमा भिषण आगलागी भएको छ । केही समय अघिदेखि सुरु भएको आगालगी नियन्त्रणका लागि नेपालगञ्ज उपमहानगरपालिकाका २ वटा, कोहलपुर नगरपालिका र नेपालगञ्ज नागरिक उड्ययन कार्यालयका गरि चारवटा दमकलको सहयोगमा सुरक्षाकर्मीहरु खटिएका छन् ।
जिल्ला प्रहरी कार्यालय बाँकेका प्रमुख प्रहरी उपरीक्षक वीरबहादुर वलीले गुलरिया नगरपालिका बाट समेत थप दुईवटा दमकल समेत बोलाइएको जानकारी दिनुभयो । फर्निचर पसलमा विद्युत सर्ट भई आगलागी सुरु भएको अनुमान गरिएको छ । आगलागीबाट हालसम्म चारवटा पसलमा क्षति पुगेको छ ।
बाँकेका प्रमुख जिल्ला अधिकारी कुमार खड्का, प्रहरी उपरीक्षक वली, नेपालगञ्ज उपमहानगरपालिकाका उपमेयर उमा थापा लगायत आगलागी नियन्त्रणका लागि खटिनुभएको छ । विपी चौक नजिकै पेट्रोल भएका कारण आगलागी नियन्त्रणका लागि सुरक्षा निकाय थप सक्रिय भएको छ । घटनास्थलमा सयौंको संख्यामा स्थानीय बासिन्दा समेत जम्मा भएका छन् । सोही स्थान नजिकै केही महिना अगाडि मात्र आगलागीबाट करौडौ को फर्निचर नस्ट भयको थियो ।
Discussion about this post