बाँके माघ १८ गते ।
लुम्बिनी प्रदेशमा गएको ६ महिनामा मादक पदार्थ सेवन गरी सवारी चलाउने दुई हजार ७ सय ७३ जना चालक कारवाहीको दायरामा आएका छन । यो संख्या प्रदेशका १२ वटा जिल्लाको हो । जसबाट २७ लाख ७३ हजार जरिवाना वाफत राजश्ज संकलन भएको देखिएको छ ।
देशभर ३९ हजार दुई ७२ चालकलाई कारबाही गरिएको रेकर्ड छ । सोही अवधिमा लागू पदार्थ सेवन लापसे गरी सवारी चलाउने दुई सय ४२ चालक पनि कारबाहीमा परेका छन् ।देशभर गरिएको मापसेविरुद्धको कारबाहीबाट चार करोड राजश्व सङ्कलन भएको छ ।
यात्रु, सवारी र सडकलाई सुरक्षित बनाउँदै गन्तव्यमा पु¥याउन तथा दुर्घटना न्यूनीकरण गर्न मापसे तथा लापसे जाँचलाई प्राथमिकता दिँदै आइएको छ।
लामो दूरीको यात्राका क्रममा मापसे गरी सवारी साधन चलाउने प्रवृत्तिले आकस्मिक र गम्भीर दुर्घटना निम्त्याउने गरेको तथ्याङ्कले देखाएको छ । सिसिटिभीको पहुँच न्यून र सीमित ठाउँमा मात्र ट्राफिक प्रहरीको उपस्थितिका कारण मापसे गरी सवारी चलाउने प्रवृत्ति बढ्दो रहेको प्रहरीको निष्कर्ष छ ।
चालु आर्थिक वर्षको छ महिनामा मापसे गरी सवारी चलाउने काठमाडौं उपत्यकामा १८ हजार ६२७, कोशी प्रदेशमा दुई हजार ५२४, मधेशमा दुई हजार २१, बागमतीमा एक हजार ९८, गण्डकीमा आठ हजार ९२३, कर्णालीमा एक हजार २६४ र सुदूरपश्चिम प्रदेशमा दुई हजार ४२ जना कारबाहीमा परेका छन ।
काठमाडौं उपत्यकामा एक करोड ८६ लाख २७ हजार, कोशी प्रदेशमा २५ लाख ३९ हजार पाँच सय, मधेशमा २० लाख ४२ हजार पाँच सय, बागमतीमा ११ लाख १७ हजार, गण्डकीमा ९५ लाख ६८ हजार, , कर्णालीमा १२ लाख ६० हजार र सुदूरपश्चिम प्रदेशमा २० लाख ४२ हजार राजश्व सङ्कलन भएको छ ।
सो अवधिमा लापसे गरी सवारी चलाउने काठमाडौं उपत्यकामा ८१ जना, कोशी प्रदेशमा २८, गण्डकीमा ८८, लुम्बिनीमा २० र सुदूरपश्चिम प्रदेशमा २५ जना कारबाहीमा परेका छन् ।
Discussion about this post