बाँके फागुन १ गते ।
बाँकेको कोहलपुरमा जारी सुशील कोइराला मेमोरियल अन्डर नाइन्टिन राष्ट्रिय महिला क्रिकेट प्रतियोगिता अन्तर्गत आज पनि दुई खेल हुने भएका छन् । बागमती र गण्डकी प्रदेश तथा कोहलपुर मेयर–११ र सुदूरपश्चिम प्रदेश बीच खेल हुने छ ।
विहान ९ः३० बजे हुने पहिलो खेलमा बागमती प्रदेश र गण्डकी प्रदेश आमने सामने हुनेछन् । २ जीत र १ हार बेहोरेको गण्डकी प्रदेश अंक तालिकाको दोस्रो स्थानमा छ भने दुई खेल खेलेको बागमती १ मा जीत र १ हार बेहोर्दै अंक तालिकाको तेस्रो स्थानमा छ । यस्तै दिउँसो १ः३० बजे हुने दोस्रो खेलमा सुदूरपश्चिम प्रदेशले शीर्ष स्थानको कोहलपुर मेयर–११ सँग प्रतिस्पर्धा गर्ने छ ।
कोहलपुर मेयर–११ अपराजित रहँदै तालिकाको शीर्ष स्थानमा छ भने सुदूरपश्चिम प्रदेश चौथो स्थानमा छ । दुई खेलमा लगातार हार वेहोरेको लुम्विनी प्रदेश भने उपाधि होडबाट बाहिरी सकेको छ । कोहलपुर नगरपालिकाको आयोजना, कोहलपुर नगर खेलकुद विकास समितिको व्यवस्थापन र नेपाल क्रिकेट संघको प्राविधिक सहयोगमा फागुन तीन गतेसम्म चल्ने प्रतियोगितामा उपाधि विजेताले एक लाख रुपैयाँ पुरष्कार हात पार्नेछ ।
Discussion about this post