बाँके कात्तिक १० गते
नेपालगञ्ज वर्षौंदेखि सामाजीक सद्भावको नमुना शहरका रुपमा रहेको शहरी विकास मन्त्री मोहम्मद इस्तीयाक राईले बताउनुभएको छ ।
एक धर्मको चाडमा अर्को धर्मका मानीसहरु पुग्ने, खानपान गर्ने, रमाउने र एक अर्कालाई साथ दिने चलन वर्षौंदेखि चल्दै आएको बताउदै उनले यसलाई निरन्तरता दिनुपर्नेमा जोड दिनुभएको छ ।
सामाजीक काम गर्नका लागी बाँकेका युवाहरु मीलेर निर्माण गरीएको संस्था सहयोगी आवाज (हिभ) नेपालको आयोजनामा आइतबार मन्त्री राईकै निवासमा भएको भैलो कार्यक्रममा उनले यस्तो बताउनुभएको हो ।
नेपालगञ्ज सामाजीक सद्भावको नमुना शहर भएकाले जैसपुर स्थित भन्सार कार्यालय नजीकै रहेको मन्त्री राईको घरबाटै भैलोको सुरुवात गरीएको भैलो कार्यक्रम संयोजक विष्णु ओलिले जानकारी दिए ।
लागुपदार्थ न्यूनीकरणका लागी गत वर्षदेखी विविध कार्यक्रम गर्दै आएको हिभ नेपालले यो वर्षको देउसी भैलोबाट संकलन रकम पनि यसैका लागी खर्चने जनाएको छ ।
सो कार्यक्रममा बोल्दै मन्त्री राईले युवाहरुले संस्कृति संरक्षणसंगै समाजसेवाको कामलाई निरन्तरता दिएकोमा खुशी व्यक्त गरे ।
नेपालगञ्ज उपमहानगरपालीकाका उप प्रमुख उमा थापामगरले सद्भावको शहर मात्रै नभइ सद्भाव कायमका लागी विभिन्न प्रयास पनि भइरहेको वताइन् ।
मन्त्री राईको निवासबाट भैलोको सुरुवात भएकाले यो पनि उदाहरणीय सन्देश भएको उप प्रमुख थापा ले बताइन् ।
त्यस्तै नेपाल पत्रकार महासंघ बाँके शाखाले पनि मन्त्री राईको निवासमा भैलो कार्यक्रम गरेको थियो ।
Discussion about this post