बाँके कार्तिक १३ गते ।
इस्लाम धर्मावलम्बी हरूको तेस्रो ठुलो विश्वब्यापी महान पर्व मोहम्मद जन्मदिवसको आज नेपालगञ्जमा चाँद देखिएको छ ।
चंद्रमा देखिएको ११ औ दिनको बिहान पख ३ बजे पश्चात हज़रत मोहम्मद सल्लल्लाहु अलैहि वसल्लमको जन्म भएको थियो ।
उनको जन्मदिनको सम्झनामा संसार भरि तथा हाम्रो एतिहासिक नगरी नेपालगञ्जमा समेत जन्मउत्सव मनाउने गरिन्छ । जन्मदिन उत्सबको तैयारी आज बाट शुभारम्भ गरिएको हो ।
यस पर्वलाई बारा रबीउलअव्वल समेत भन्ने गरिन्छ । नेपालगञ्ज बाँके लगायतका देशभरी ११ रबीउलअव्वलको राती कार्तिक २४ गते मुस्लिम समुदाय आफ्नो घर पसल टोल झिलमिली सजाउनुका साथै बाँके जिल्लाको विभिन्न ठाउँहरूमा मुस्लिम समुदाय ले धार्मिक प्रवचन, धार्मिक गीत सुनाउदै रात भरि जग्राम बस्ने चलन रहेको छ।
साथै हिजरी तारिख रबीउलअव्वलको १२ तारिख कार्तिक २५ गते बिहान बाँके जिल्लामा जुलूस सहित एक आर्कालाई अंकमाल गर्दै जन्मोत्सवको मुबारक़बाद दिदै मनाउने गरिन छन ।
विभिन्न किसीमको धार्मिक झाकी सहित हजारौका संख्यामा, मुस्लिम समुदायले यो उत्सव जुलूस ,धार्मिक गीत गाउन्दै प्रदर्शनी गर्ने गर्छन ।
बिगतमा, मोहम्मद जन्मदिवस पर्वमा राष्ट्रीय बिदा समेत पाउन्दै आएको थियो । सरकारले यस महान पर्व, बिदा कटौती गरेको कारण मुस्लिम समुदाय दुःखी आक्रोशित रहेका छन् ।
मुस्लिम समुदाय लामो समय देखि बिगतमा पाइ आई रहेको मोहम्मद डेको बिदा बहाल गर्न विभिन्न तरिकाले मांग गर्दै आएका छन । यस पटक पनि समयमा यस पर्वको राष्ट्रीय बिदा घोषणा भएन भने मुस्लिम समुदाय आंदोलन गर्न बाध्य हुनेकुरा मेराज अहमद हिमालय ले बताउनुभएको छ ।
Discussion about this post