बाँके असार २४ गते ।
बर्दिया प्रहरीले प्रतिबन्धित लागूऔषध ब्राउनसुगरसहित दुईजना युवकलाई पक्राउ गरेको छ ।
बर्दियाको बढैयाताल गाउँपालिका–२ फुटाहाबाट प्रतिबन्धित लागूऔषध ब्राउनसुगर जस्तो देखिने पदार्थ २ सय ८० मिलिग्राम सहित बाँकेका दुईजना युवकलाई आइतबार दिउँसो पक्राउ गरेको प्रहरीले जनाएको छ ।
प्रहरी चौकी जमुनीबाट खटिएको प्रहरीले भारतबाट नेपालतर्फ पैदल आउँदै गरेका दुबै जनालाई उक्त पदार्थ सहित पक्राउ गरेको हो ।
प्रहरीका अनुसार पक्राउ परेका बाँके खजुरा गाउँपालिका–६ बस्ने २३ वर्षीय पदम बहादुर बुढामगर र २५ वर्षीय शंकर विक रहेका छन् ।
पक्राउ परेका दुबै जनामाथि सो सम्बन्धमा प्रहरीले आवश्यक अनुसन्धान गरिरहेको छ ।
ADVERTISEMENT
Discussion about this post