बाँके असार २४ गते ।
लगातारको वर्षाका कारण आएको बाढीमा डुबेर डुडुवा नदीमा एक युवक बेपत्ता भएका छन् ।
बाँकेको डुडुवा नदीमा आएको बाढीमा पौडी खेल्ने क्रममा डुबेर बेपत्ता भएका नेपालगनज–२० मनिकापुर बस्ने युवकको खोजी कार्यलाई तीव्र पारिएको प्रहरीले जनाएको छ ।
आइतवार साँझ करिब साढे ५ बजको समयमा नेपालगन्ज उपमहानगरपालिका–२० राँझा विमानस्थल पछाडि रहेको डुडुवा नदीमा पौडी खेल्ने क्रममा सोही ठाउँका ४२ वर्षीय सुशीलप्रसाद दाहाल डुबेर बेपत्ता भएका थिए ।
दाहालको खोजी कार्य भइरहेको प्रहरीले जनाएको छ ।
सोमवार बिहानदेखि खोजी कार्यलाई तीव्र पारिएको जिल्ला प्रहरी कार्यालय बाँकेका प्रहरी प्रवक्ता डिएसपी नारायण डाँगीले जानकारी दिए ।
उनले दाहाल डुडुवामा पौडी खेल्ने क्रममा डुबेर बेपत्ता भएको खबर प्राप्त हुनेलगत्तै नेपाल प्रहरी, सशस्त्र प्रहरी बल र स्थानीयवासीको समेत सहयोगमा खोजीकार्य गरिरहेको बाताए ।
खोजी कार्यमा जुटेको नेपाल प्रहरी, सशस्त्र प्रहरी लगायतको संयुक्त टिमले मोटरबोट र विशेष प्रशिक्षित गोताखोर डुडुवा नदीमा परिचालन गरेर बेपत्ता दाहालको खोजी गरिरहेको प्रहरीले जनाएको छ ।
Discussion about this post