स्मृति देवकोटा
बाँके असार १५ गते ।
इन्सेक नेपालगञ्ज आयोजनामा असार १५ गते नेपाल मानव अधिकार वर्ष पुस्तक २०२० को प्रकाशन पूर्व अर्ध वार्षिक समीक्षा सम्पन्न भएको छ ।
कार्यक्रममा इन्सेक नेपालगञ्जका प्रदेश संयोजक भोला महतले इन्सेकले वर्ष पुस्तकलाई समय सापेक्ष परिमार्जन गर्दै आएको बताउदै पछिल्लो समय आर्थिक सामाजिक तथा सांस्कृति अधिकारका विषयलाई प्राथमिकता दिदै आएको बताए ।
कार्यक्रममा इन्सेक जिल्ला प्रतिनिधि स्मृति देवकोटाले जिल्लामा सङ्कलन गरिएका हत्या एउटा, धम्की÷कुटपिटका दुई वटा, गिरफ्तारीका ६ वटा, बाल अधिकारका ६ वटा, बलात्कार, यौन दुव्र्यवहारका पाँच वटा , परिवारजनबाट हत्या पाँच वटा घरेलु हिंसाका कारण आत्महत्या गरेको भन्दै प्रहरीमा उजुरी परेका ३ वटा , मानव बेचबिखन तथा ओसार पसारका तीन वटा, घरेलु हिसांमा मिलापत्र भएका ५९ वटा र कैदीले आत्महत्या गरेको एउटा गरी ९१ वटा घटना रहेको प्रतिवेदन प्रस्तुत गरेकी थिइन् ।
कार्यक्रममा मानव अधिकार आयोग नेपालञ्जका प्रमुख चन्द्रकान्त चापागाईले मानव अधिकारको पहँुचमा रहेका सबै घटनाहरुलाई समेटदै जानुपर्ने बताए ।
जिल्ला प्रशासन कार्यालयका सहायक प्रमुख जिल्ला अधिकारी दानबहादुर कार्कीले इन्सेकका प्रकाशनहरु नियमित अध्ययन गर्दै आएको बताउदै जिल्लामा भएका कतिपय घटनाहरु छुटेको हुनाले त्यस थप गर्न सुझाव दिए ।
अधिवक्ताद्वय विश्वजीत तिवारीर विकास आचार्यले बालबिवाह र बाल न्यायका कुराहरु समेटन सुझाव दिए । त्यसै गरी उपभोक्ता सङ्रक्षण मञ्चका केन्द्रीय सदस्य बसन्त गौतम र फियानका सुरेश गौतमले उपभोक्ता अधिकारको विषयलाई समेटनु पर्ने बताए । पत्रकार महासंघका पूर्व केन्द्रीय सदस्य झलक गैरेले वर्ष पुस्तकलाई नँया ढङ्गले प्रस्तुत गर्नुपर्ने बताए । उनले घटनालाई जोडेर कानुनमा भएको प्रावधानका विषयमा समेत उल्लेख गर्नु पर्ने बताए । जेलर भरतराज पाण्डेले बन्द हडतालले आम नागरिक अधिकार पारेका प्रभावलाई उल्लेख गर्नुपर्ने सुझाए । मानव अधिकार एलाइन्सका जिल्ला अध्यक्ष प्रभातकुमार ठकुरी पत्रकार विजय मल्ल, इन्सेक सधारण सदस्य कृष्णमुरारी भट्ट लगायतले छुटेका घटना थप गर्नु पर्ने, लागु औषधको तथ्याङ्क समावेश गर्नुपर्ने लगायतका सुझाव दिएका थिए ।
Discussion about this post