खोजखबर संवाददाता
बाँके असार १५ गते ।
नेपाल युवा क्लब बाँकेको आयोजनामा इन्डो– नेपाल, बहुभाषिक गजल गोष्ठी, ईद मिलन समारोह, बालबालिकाका लागि सामान्य कपडा सहयोग र सम्मान कार्यक्रम असार १५ गते सम्पन्न भएको छ ।
नेपाल युवा क्लब बाँकेको अध्यक्ष मोहम्मद मोहसिन हलवाईको अध्यक्षतामा तथा जिल्ला प्रसाशन कार्यालय बाँकेका सहायक प्रमुख जिल्ला अधिकारी कृष्ण कान्त उपाध्यायको प्रमुख अतिथि तथा कपडा सिलाई ब्यवसायिक संघका केन्द्रिय सदस्य शालिकराम नागबागको बिशिष्ठ आतिथ्यमा सम्पन्न कार्यक्रममा नेपालगन्ज बाणिज्य संघका अध्यक्ष नन्दलाल बैश्य, प्रकाश टर्नाल, बाल अधिकारकर्मी साहिल अन्सारी, अंकित मिश्रा, कपडा सिलाई ब्यवसायिक संघका जिल्ला अध्यक्ष बिशाल नागबागको आतिथ्यमा भएको कार्यक्रममा नेपाल –भारतका उर्दू साहित्यकारहरुद्वारा गजल गोष्ठी पनि गरिएको थियो ।
प्रमुख अतिथि सहायक प्रमुख जिल्ला अधिकारी कृष्ण कान्त उपाध्यायले बालबालिकाहरुलाई शिक्षा दिनुपर्छ र बाल अधिकारकर्मीे साहिल अन्सारीले सबभन्दा महत्वपूर्ण शिक्षा हो त्यसकारण शिक्षाबाट कसैले बन्चित नहोस भन्ने जोड दिएका थिए ।
भारतबाट मोहम्मद इन्कलाब नानपारवी, उमर काशिव लगातयका रहेका थिए भने मोहम्मद नसीम हलवाई, गनेशा कार्की, महेन्द्र रोका, हाजी अब्दुल लतीफ शौक, गुल्जारे अदबका सचिव मो. मुस्तफा अहसन करैशी, जमील हाशमी, अन्सर नेपाली लगायतले ईदको शुभकामना दिदैं आ–आफना गजल वाचन गरेका थिए ।
सो कार्यक्रममा प्रमुख अतिथि, बिशिष्ठ अतिथिद्वारा २७ जना साइनिङ्ग फ्यूचर स्कूलका अनाथ बिद्यार्थीहरुलाई स्कूलको पोशाक बितरण गर्नु भएको थियो ।
कार्यक्रममा प्रम्ख अतिथि, बिशिष्ठ अतिथि र अतिथिहरुलाई मायाको चिनो नेपाल युवा क्लब बाँकेको अध्यक्ष मोहम्मद मोहसिन हलवाईले बितरण गर्नु भएको थियो । सो कार्यक्रमको संचालन आसलम भाँटले गरेका थिए ।
Discussion about this post