बाँके असार २७ गते ।
बाँकेको राप्तीसोनारी गाउँपालिकाले किसानहरुलाई मोटर वितरण सुरु गरेको छ । कृषिमा आधारित अर्थतन्त्रमा निर्भर रहेको पालिका क्षेत्रमा किसानलाई सहयोग पु¥याउन राप्तीसोनारी गाउँपालिकाले कृषि मोटर वितरण सुरु गरेको छ ।
उत्पादन र गुणस्तर बढाउन राप्तीसोनारी गाउँपालिकाको आर्थिक वर्ष २०८०–०८१ को वार्षिक स्वीकृत कार्यक्रम अनुसार किसानलाई ५० प्रतिशत लागत सहभागितामा आवश्यक मोटर वितरण सुरु गरिएको राप्तीसोनारी गाउँपालिकाका कृषि शाखाका नायव प्राविधिक सहायक खड्क खत्रीले जानकारी दिए । उनका अनुसार शाखाले २१६ जना किसानलाई ५० प्रतिशत मूल्य अनुदानमा मोटर वितरण गरेको छ ।
वडा नं.२ देखि ९ सम्मका किसानलाई पालिका आफ्नै लगानीमा १३० वटा, वडा नंं.२ को आफ्नै बजेटले ५८ र वडा नं.५ ले २८ वटा गरी २१६ वटा मोटर वितरण गरिने छ । अहिलेसम्म वडा नं.२, ३, ४, ५ लगायतका वडामा मोटर वितरणको कार्य पूरा भइसकेको पनि उनले बताए । वडा नं.२ बाट गाउँपालिकाका उपाध्यक्ष मनिषासिंह थारुले मोटर वितरण कार्यको सुरुवात गरेकी थिइन् । कृषि शाखाले सार्वजनिक सूचना जारी गरेर कृषक, कृषक समूह, कृषि सहकारी र कृषि फर्महरूसँग निवेदन माग गरेको थियो । त्यहीका आधारमा मोटर वितरण गरिएको जानकारी दिइन् ।
अन्न उत्पादनको लागी उर्वरभूमि मानिने राप्तीसोनारी गाउँपालिकामा मौसमी, बेमौसमी तरकारी खेती र धान, मकै, गहुँ, गायत रौथाने बाली कोदो खेती हुने गरेको छ । उनले किसानहरुलाई केही हदसम्म सहयोग होस् भन्ने उद्देश्यले कृषि मोटर वितरण गरिएको बताइन् । कार्यक्रममा वडा नं.२ का वडाअध्यक्ष ज्ञानु वली, सामाजिक विकास समिति संयोजक केशव परिवार, जनप्रतिनिधि लगायतको सहभागिता रहेको थियो ।
Discussion about this post