बाँके असोज २९ गते ।
बडादसैँको राति टाउको काटिएको अवस्थामा फेला परेका कोहलपुरका चन्द्रवहादुर कामीको हत्या आरोपित पक्राउ परेका छन् । रोल्पा जिल्लालो साबिक घर्तिगाँउ गा.बि.स.वडा नं. ९ हाल माडी गाउपालिका वडा नं. ६ बस्ने २४ वर्षीय अनिल परियारलाई हत्या अभियोगमा पक्राउ गरिएको प्रहरीले जनएको छ ।
उनलाई राप्तीसोनारी गाउँपालिका–१ तिन घारी टोल स्थित भौवानाका जाने बाटोको दाँया तर्फ रहेको तिर्थमाली परियारको घर किनारमा रहेको शौचालयबाट आज बिहान ८ बजे पक्राउ गरिएको प्रहरीले जनाएको छ । इलाका प्रहरी कार्यालय कोहलपुर बाँकेबाट प्रहरी निरीक्षक राजकुमार भट्टको कमाण्डमा खटिईएको प्रहरी टोलि र इप्रका कुसुम बाँके बाट प्रहरी नायब निरीक्षक मोहनलाल वलीको कमाण्डमा खटिईएको प्रहरी टोलीले निज परियारलाई पक्राउ गरी अनुसन्धानको लागी थुनामा राखिएको प्रहरीले जनाएको छ ।
ईलाका प्रहरी कार्यालय कोहलपुरका अनुसार कामीको टाउको घटनास्थलबाट करिव ५०० मिटर पूर्वउत्तरमा सुनिता परियारको घरको सेफ्टी ट्याङकिमा गएरातीमात्रै फेला परेको थियो । हत्या आरोपित अनिल सुनिताको दाइ नाता पर्ने खुलेको छ ।
अनिल पाहुना पर्न सुनितामा आएका थिए । हत्याको कारण खुल्न सकेको छैन ।कोहलपुर नगरपालिका–८ पिपिरी चोकदेखि करिव दुई किलोमिटर पूर्व शितलनगरमा हत्या गरिएको अवस्थामा शनिबार राति कामिको टाउको नभएको शव फेला परेको थियो ।
Discussion about this post