बाँके पुस १८ गते ।
नेपालगन्जमा माघ महिनामा दोस्रो प्रादेशिक महोत्सव आयोजना हुने भएको छ । नेपालगञ्ज उद्योग वाणिज्य संघले बुधबार नेपालगन्जमा आयोजित कार्यक्रममा माघ १० देखि २२ गतेसम्म महोत्सव सञ्चालन गर्न लागिएको जानकारी दिइएको हो ।
नेपालगन्ज उद्योग वाणिज्य संघका अध्यक्ष टंक धामीले जानकारी दिए । अध्यक्ष धामीले भने, “महोत्सवलाई भव्य बनाउनेतर्फ स्टल निर्माण सुरु गरेका छौं ।“ मेलाअघि रोजगार मेला समेत सञ्चालन गरिने छ । महोत्सवमा ३५० स्टल राखिने महासचिव भीमबहादुर रानाभाटले जानकारी दिए ।
यसैबिच २०२४ सालमा स्थापना भएको संघको ५७ औँ स्थापना दिवस बुधबार पूर्व अध्यक्षहरूलाई सम्मान गरी मनाइएको छ । पूर्व अध्यक्ष कृष्णप्रसाद श्रेष्ठ,नन्दलाल बैष्य र स्व. दामोदर आचार्यलाई सम्मान गरिएको छ । संघले नेपाल पत्रकार महासंघ लुम्बिनी प्रदेश र बाँके जिल्ला कार्यसमितिका नवनिर्वाचित पदाधिकारी र सदस्यहरूलाई पनि सम्मान गरेको छ ।
Discussion about this post