बर्दियामा पाँच दिनभित्रै दुई हात्तीको रहस्यमय मृत्यु

बर्दिया फागुन ९ गते ।
बर्दियामा पछिल्ला पाँच दिनभित्रै दुई वटा हात्तीको रहस्यमय मृत्यु भएको छ । बुधबार ठाकुरबाबा नगरपालिका–३ झरसलुवा सामूदायिक वन र बडका सामूदायिक वनको सिमानामा एक वयस्क हात्ती मृत अवस्थामा फेला परेको हो ।

डिभिजन वन कार्यालयका अनुसार करिब ३०÷३५ वर्षीय भाले हात्ती मृत अवस्थामा फेला परेको हो । वन कार्यालय प्रमुख विजय राज सुवेदीले करिब ४÷५ दिन अगाडि हात्तीको मृत्यु भएको अनुमान गरिएको बताए ।

अहिले उक्त हात्तीको पोष्टमार्टम भइरहेको छ । यसअघि पाँच दिनअघि मात्रै पनि ठाकुरबाबा–४ खैलारको मसुरो बारीमा शनिबार बिहान एक वयस्क भाले हात्ती मृत अवस्थामा भेटिएको थियो ।

ADVERTISEMENT