बाँके जेठ २३ गते ।
नेपालगन्जमा वेष्टर्न ट्राभल मार्ट (डब्लुटिएम) को तेस्रो संस्करण हुँदैछ । नाट्टा बाँकेको संयोजनमा ‘नेपालगञ्जः गेट वे टु कर्णाली’ भन्ने मूल सन्देशका साथ जेठ २४ गते शनिवारदेखि तीन दिने वेष्टर्न ट्राभल मार्ट हुन लागेको हो ।
नेपालगन्जमा विहीबार मार्टबारे जानकारी दिन आयोजित पत्रकार सम्मेलनमा वेष्टर्न ट्राभल मार्ट आयोजक मूल समिति संयोजक एवम् नाट्टा बाँके अध्यक्ष श्रीराम सिग्देलले नेपालगञ्जलाई कर्णाली प्रदेशको ‘पर्यटन प्रवेशद्वार’ को रुपमा स्थापित गर्दै बाँकेलाई पर्यटकीय गन्तब्य जिल्ला बनाउने लक्ष्य लिएको बताए ।
सिग्देलका अनुसार डब्लुटिएमको तेस्रो संस्करणमा भारतका महत्वपूर्ण पर्यटकीय सहरहरु बनारस, अयोध्या, लखनउ र गोरखपुरबाट ४० भन्दा बढी टुर अपरेटरहरुको सहभागिता हुनेछ । यस्तै डेढ दर्जन भारतीय पत्रकार, ट्राभल टुर अपरेटर, ब्लगर, सोसल मिडिया, इन्फ्लुयन्सर र देशभरबाट पर्यटन व्यवसायीहरुको सहभागिता रहनेछ ।
नेपाल पर्यटन बोर्ड, नेपालगञ्ज उपमहानगरपालिकाको आयोजना तथा पर्यटन विकास परिषद् लुम्बिनी प्रदेश, नेपालगञ्ज उद्योग बाणिज्य संघ, होटल एसोसिएसन, होटल ब्यवसायी संघ बाँकेसंगको सहकार्यमा मार्ट हुन लागेको हो ।
Discussion about this post